Werken. Deel 1: Gedichten

[p. 299]

XXXI.

Ic late haer gerne af slaen mijn hovet
Indien datse doch mire noot gelovet
Si die mi van den senne rovet
Metter treckender ciere die si mi toeghet.

Waer omme toendi mi dat ghelaet
Daer ghi mi namaels met verslaet
Want alst met mi ter noot wert gaet
So drijfdi met mi uwe baraet.

Ay minne u treken sijn te snel
Alse ghi toent een soe meindi een el
Nu staphans zoete nu staphans fel
Bleefdi op een soe dadi wel.

Uwe baraet dat es te sterc
Hen die dienen in uwe perc
Ende al toesetten hare ghemerc
Om te voldoene uwes willen werc.

[p. 300]

 

Ghi verlost wise ende vroede

 

Ende setse in menechfuldegen moede

 

Als si meest scinen buten spoede

20.

Gheefdi hen uwe gichten sonder hoede.

 

 

 

Ghi sijt scalc ende goedertieren

 

Sachte als een lam ende ongehiere

 

Alse onghetimde wilde diere

 

In de wustine sonder maniere.