Werken. Deel 1: Gedichten

[p. 284]

XXV.

O heilecheit
Der godlijcheit
Die complexie sijt
Der gedachten
Die in u leeft zachte
Ende al elre in strijt.

Meneghe materie vri
Versamen di
In pure minne
Sonder ondersceit
Ende enecheit
Boven zinne.

Die de verborghene fine
Oefenen in den anschine
Haerre gedachten enecheit
Die beslut van der doet
Hare wijsheit groet
De ewege godheit.

[p. 285]

 

Hi blijft gepijnt

20.

Die dit gherijnt

 

Om ondervinden

 

De questie es so starc

 

Alre sciencien clerc

 

Machse cume ontbinden.

 

 

 

Al blives menich onvroet

 

Nochtan eest goet

 

Dat mense in talen hebbe

 

De questie daer omme

 

Datse geen domme

30.

En wedersegge.

 

 

 

Ende dats elc lye

 

Ende niemen en si partye

 

Ute siere dorheit

 

Want het es claer

 

Ende oppenbaer

 

Der bloter warheit.