Werken. Deel 1: Gedichten

[p. 282]

XXIV.

Ghebenedijt
In aller tijt
Moeti zijn
Ghi die verwect
Ende berect
In minnen fijn.

Al datter in leeft
Ende ghi al dat geeft
Datse ontfaen
Die contempleren
Ende speculeren
Licht ende verstaen.

Ghi sijt licht
Ende bericht
In dat anschijn
Der contemplacien
Te diere collacien
En mach niemen zijn.

[p. 283]

 

Dan ghi ende zij

20.

Allene vri

 

In enecheit

 

Si verliest te diere ure

 

Beelde ende figure

 

Ende ondersceit.

 

 

 

Alse ghi haer gevet

 

Daerse ute levet

 

Ute uwer wijsheit

 

Daerse meer weet

 

Dan si versteet

30.

Ute uwer volheit.

 

 

 

Welke propheten cesseren

 

So reveleren

 

Minne heeft pays

 

In de gedachte

 

Si bloyt in crachte

 

In dies hoechs palays.

 

 

 

Wat gedachte vendet

 

Het blijft ongehendet

 

In blote minne

40.

Ende onverseit

 

Na waerheit

 

Ute redenen zinne.