Werken. Deel 1: Gedichten

[p. 275]

XXI.

In die godheit
Der persoenlecheit
En es vorme en ghene
Daer es drieheit
In enecheit
Bloetheit allene.

De vorme des ierst geboren
Des persoens vercoren
Der drieheit
Es sceppere des vreden
Die om ons heeft leden
Der doot arbeit.

Hi nam ane
Onse vorme onse gedane
Onse sceppere onse here
Ende es creature
In onse nature
Dats ons grote ere.

[p. 276]

 

Die van den vader gesendet

20.

Gheendt ongehendet

 

Es boven zen

 

Ende ute hem indeloes

 

Gheboren altoes

 

Werdt sonder beghin.

 

 

 

Te haren beelde te haren gelike

 

Te sine ewelike

 

Woude ons maken

 

Die drievoldechheit

 

Daer onse ere in leit

30.

Boven alle zaken.

 

 

 

Der minnen bedwanc

 

Maect den starken cranc

 

Dat mach men kinnen

 

Daer hi sonder noet

 

Dit wonder groot

 

Dus wrachte van minnen.