Werken. Deel 1: Gedichten

(1875)– Hadewijch– rechtenstatus



[pagina 260]
XX. Ay God si werden rike Die groene ende ripe Ende al dat mach vergaen Al scelden quite Ende enechlike Uwe minne ontfaen. Want met u ghemeene Te sine allene Dat es delijt 10.[regelnummer] Ende el niet Dan al verdriet Dat ghi niet en zijt. Men ne mach niet kinnen Sonder u minnen Wie ghi sijt Noch niet inne In uwe minne Sonder strijdt.
[pagina 261]
Dies moet men striden 20.[regelnummer] Ende liden Menech leet Eer men weet dat Hoe men den pat Uwer minnen gheet. Maer en rouwet hem niet Sijn lange verdriet Dies daer toe comt Dat hine mach gewinnen Een smaken uwer minnen 30.[regelnummer] In enegher stont. Maer wat men mach smaken Het blivet al haken Onthier men comt daer Dat wy nu hopen Dat werdt ontploken Ende oppenbaer. Ende die grote zommen Diere waer ommen Sonder getal 40.[regelnummer] Die mi doen kinnen Dat ic u minnen Moet boven al Ontgaen mi here Alsic mi kere Al bloet op u Ende moet daer omme Sonder waeromme Minnen u om u.
[pagina 262]
Hi swige al stille 50.[regelnummer] Die merken wille Mine tale Hi heves noet Sal hi se al bloet Versinnen wale. Moechdise versinnen Dank es der minnen Ende nemter ute raet Maer blives bloet Wast also groet 60.[regelnummer] Dat ghise verstaet. In allen hove Es mate van love Beide lief ende wert Maer blijfdi in maten Ghi en moget niet laten Al dat u deert. Horen ende zwighen Dat horic prisen Over sere 70.[regelnummer] Maer nemmer zwigen Dat es een crighen In die overste ere. Ghi en werdt blint Ghi blijft gescint Ghi en moget niet leven Maer blijfdi blint Soe en moegdi twint Ghaen sonder vreghen
[pagina 263]
Den rechten pat 80.[regelnummer] Dien leidet ter stat Daer es die feeste Maer zien verliesen Ende sien verkiesen Dat es dat meeste. Wildi vele horen Ghi selt verdoren U sal verleiden Uwe ghepeys Soe menich seins 90.[regelnummer] In valschen steden. Maer altoes horen Dat es vercoren Ende groet van prise Waer dat sleet Dat altoes steet In den gherieve. Hout u over niet Wat u ghesciet Dat u niet en lette 100.[regelnummer] Die overmoet Die gerne doet Den doechden smette. Maer ghine acht u groet Ghi blivet bloet Ende sonder eere So ghi u meere kint So u meer mint God onse here.
[pagina 264]
Der middelheit pleghen 110.[regelnummer] Dat es zalich leven Segghen ons die vroede Maer middelheit moet af Eer men in mach Ten edelen goede. Sijt altoes vroet Ende wat ghi doet Voersiet met rade Dat men in hove Vertrecke uwe love 120.[regelnummer] Uwe vroede dade. Maer ghi moet scinen een sot Ende heten een spot In erterike Eer ghi hebt prijs Ochte werdt wijs Ghewarechlike. Wat mach u besluten Al sidi buten Rike van haven 130.[regelnummer] Op dat ghi binnen Derft der minnen Ghi moget wel claghen Ende weenen ende carmen Ghelijc enen armen Die niet en heeft Want wie hars dervet Hi blijft onthervet Wat men hem gheeft
[pagina 265]
Menech ypocrite 140.[regelnummer] Gheet in abyte Van goeden lieden Maer buten scone Ende binnen hone Dat en mach niet dieden. U es dogen goet Het geeft u spoet Al eest u zuer Het doot uwe zonden Het ganst uwe wonden 150.[regelnummer] Het maect u puer. Maer wildi hogen En hebt geen doghen Al es u cont Daer die geloven Af verdroghen In menegher stont. Dies hovets noot Was soe groot Alst hen wel sceen 160.[regelnummer] Wat soudense rouwen In hare ontrouwen Claghen die teen. In Cristus weghen Ende in zijn leven Moegdi merken Hoe ghi selt volghen Onverbolghen In alle uwe werken.
[pagina 266]
Dore xps wonden 170.[regelnummer] Werdt si vonden Die edelheit Die al weten Doet vergheten In ewecheit. Vaet op een cleet. Cout ende heet Soete ende fel So en deert u niet Na spoet verdriet 180.[regelnummer] Noch zeer na spel. Houdet u dan Sachte als een lam Ter selver stont Daer wijf ende man Af werden gram Alst hem toecomt. Wordi oec gram Soe zwiget dan Want erre gedachte 190.[regelnummer] Al hadsijs vermeten Sine soude niet spreken Soete noch sachte. En smet u niet Alse ghi traecheit siet In die u zijn bi Hebdi vreze groot Eens anders noot En maect u niet vri.
[pagina 267]
Al staen de droghe 200.[regelnummer] Int ghelove Sonder pant Haestu vore Ende maectu dore In dat vette lant. Het es oec selc Daer vloyt honech ende melc Dat es hen claer Diet binnen sochten Ende met drien. vrochten 210.[regelnummer] Quamen van daer. Ende brachtense gedragen Dart die van israël sagen Die edele ware Maer si en haddenre af smaec noch ghore Al leetse hen vore Dan die niemare. Maer die vorwert geet Hi ontfeet Dat edele hebben 220.[regelnummer] Daer die stille steet Niet af en weet Dan horen seggen. Houdet alse gedanen Sonder meswanen Welc si sijn Daer ghi niet af claer Ne wet oppenbaer De waerheit fijn.
[pagina 268]
Want menege gelike 230.[regelnummer] Steet te begripe Die men doet Daer de daet Af scijnt quaet Nochtan esse goet. Ne laet u gepeys Noch hier noch ghens Ne genen tijt Dan sunderlinge In euwege dinge 240.[regelnummer] Nemen delijt. Sijt bedect Ende onbevlect Soe blijfdi vri Ende altoes coene In al uwen doene Vore wien dat zi. Hout uwen wille Vaste ende stille Altoes ghereet 250.[regelnummer] Dat ghi houdet gode Te wincke ende te gebode Vrie ledecheit. Ghi moet u puren Van creaturen Seldi ontfaen Dat heimeleke goet Dat hen god doet Die clare verstaen.
[pagina 269]
Cracht van naturen 260.[regelnummer] Die lange mach duren Op utterstheit Es saen vertert Alse men mint ende begeert Die ewecheit. In ernste noch in spele Noch lettel noch vele En erret u nemmermeer Al vernemdi ochte hoert Daer menech af ghestoert 270.[regelnummer] Wert ende ontfeet zeer. Wat u zinne vaen Hout binnen u staen Altoes op een Al eest u pine Ghesceden te sine Te eenre tijt in tween. Niet en let Als ghi beset Werdt met coringhen 280.[regelnummer] Ghi en weder staet Haren iersten raet Eer si in u minghen. Want het es grote sorge Willens in borghe Dat heer tontfane Dat die van binnen Maechtse verwinnen Begert doot te slane.
[pagina 270]
Men moet sijn verre geleit 290.[regelnummer] Ende wide ghebreidt Doer der zinnen verstaen Metter minnen Eer men mach kinnen Ocht licht ontfaen. Haer die met starker minnen Verre dore kinnen Werdt gheset Hi moet quelen Ende helen 300.[regelnummer] Wat hem let. Ende hi en mach niet wale Van sijnre quale Boete ontfaen Die wijsheit claer Sine geve daer Licht int verstaen. Die meest mint dien Dien hi soude ontsien Hi blivet vri 310.[regelnummer] Bedies gheldt minne met minnen Ghi ne selt niet kinnen Wat ordeel zij. Die troest en begheren Noch vreze en can deren Der dinge van buten Het en mach niemen Des verdienen Dies si ghebruken.
[pagina 271]
Als die wijsheit troest 320.[regelnummer] Ende verloest Den tijt van vrezen So bekinnen zij Dat hoge na bi In der minnen ons heren. Boven screfture Ende creature Can redene leren Ende clare versien Ende nauwe bespien 330.[regelnummer] Den wech ons heren. Gheberst u kinnen Besueket binnen Uwe eenvuldecheit Ghi vindet daer Uwen spiegel claer Altoes ghereit. Sonder middel bloet Te sine dats groet Wel hem diet can 340.[regelnummer] Men mach in enen aneblic Daer werden quic Ende volgen an Ende dat achter es vlien Ende vorwert sien Ende een verkiesen Ende daer omme al laten Ende dat eweleke vaten Sonder verliesen.
[pagina 272]
Also gedaen herte 350.[regelnummer] Doget grote smerte In alle stonden Alsi versteet Dat si ontfeet Bedruc van zonden. Dan blijftse blode Ende in node Tote dat si daer af Na haer verstaen Heeft gnoech gedaen 360.[regelnummer] Na dat si mach. Ende si en werdt niet vri Vore heeft zij Ghetughe van binnen Dat hare begripe Alse zijn quite In der minnen. Begheren ende minnen Sonder hulpe van zinnen Dies es noet 370.[regelnummer] Ende van buten ende binnen Sijn sonder kinnen Ghelijc ere doot. Leert kinnen Ghebot der minnen Hoet niemens minne Minne bedect Die si berect Als die vloge der zeraphinne.
[pagina 273]
Hi moet in een vorsmaken 380.[regelnummer] Tierst geraken Ende ghewerdert zijn Die ongekeert Sal bliven gemeert Ane die godheit fijn. Gode daer boven Met loste loven Al van hier In vlietech op dragen Sonder versagen 390.[regelnummer] Dat werc es fier. Innech op zwingende lost Edel es uwe cost In die vaert Daer ghi vaet tijt In uwe delijt Ende niet en spaert. Ay op dragende lof Vaert int hemelsce hof Behelstene daer 400.[regelnummer] Sijn keren zijn komen Heeft mi benomen Troest ende vaer. Vrezen minnen Begheren kinnen Ende verstaen Hopen haken Ghebruken smaken Es mi af gegaen.
[pagina 274]
Mi es weten ontgaen 410.[regelnummer] Ende dore verstaen Verre dore zen Dies moetic zwigen Ende noch bliven Daer ic ben. Maer het ghelijct eenre woestine Daer te sine In den aert Want daer en can geraken Noch versaken 420.[regelnummer] Zin noch waert.

Vorige Volgende

XX.