Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende



[pagina 250]
XVIIIGa naar voetnoot(*). Mi en pijnt Noch en gherijnt Dat ic moet dichten Daer hi die levet Bi ons gevet Sine gichten. Ende met nuwer mare Ute sinen clare In allen ons wilt verlichten 10.[regelnummer] Hi sij ghebenedijt In alre tijt In allen aensichten. In kinnen bloet Al eest groet Dat mens vercrighet Het schijnt als niet Als men besiet Dat daer ontblivet.
[pagina 251]
Men moet crighen 20.[regelnummer] In dat ontbliven Saelt sijn goet Ochte het es te cleyne Al gader reyne Wat dat men doet. Die in dat hoge kinnen Der bloter minnen Waerdeloes Diepere crighen Venden hare ontbliven 30.[regelnummer] Meerre altoes. Nuwe mare In donker clare Vinden zij Van hogen prise Sonder wise In verre in bi. In dat ewege wide In alle zide Sonder enden 40.[regelnummer] Werdt si ghedeilt Ghebreit geheilt In een verslenden. Die gedachte In stilre iachte Die dat ongemeten Al in al Vinden sal Al onbegrepen.
[pagina 252]
Daer dunct haer baren 50.[regelnummer] Sonder verclaren Een simpel yet Alse in vertien Doch moet zijs lyen In een bloet niet. In dat blote Staen de grote Die vercrighen In hare inzien In zijn ontvlien 60.[regelnummer] Hare ontbliven. Wat mens vercriget Vor dats ontblivet Zekerlike Also ic meyne Dats al te cleyne Te enegher ghelike. Bedies zijn si gha Ende volgen na Die dit bekinnen 70.[regelnummer] Die donckere pade Buten rade Altoes van binnen. Dat hem meest cost Dat hem best lost Dat es dit ontbliven Maer hoe dat es Dies sijt gewes Men maechs niet scriven.
[pagina 253]
Maer redenen storme 80.[regelnummer] Ende beelden vorme Moet men af ghaen Salmen van binnen Des yet verkinnen Sonder verstaen. Die niet en gheroen In ander doen Dat hier es gheseit Si eneghen hen In hare ierste beghen 90.[regelnummer] In de ewecheit. Daer werdense in Hare ierste beghin Met hem so een Dat en mach ghelike In erterike So zijn van tween. In de naheit Derre enicheit Sijn selke pure 100.[regelnummer] Binnen altoes Bloet beeldeloes Sonder figure. Alse ghevrijt In eweghen tijt Onghescepen In stille wijt Sonder crijt Onbegrepen.
[pagina 254]
Ic en vinder in 110.[regelnummer] Meer inde noch begin Noch gheene gelike Daer ic wort Af mach bringhen voert Volcomelike. Ic wilt hier op geven Hen diet leven In hare bekeer Het mochte dat inneghe gedinken De tongen verminken 120.[regelnummer] Sprake siere af meer.	voetnoot() Dit gedicht en de volgende ontbreken in het oudste onzer HSS. De tekst is naar het jongste HS. gedrukt*.

Vorige Volgende