Werken. Deel 1: Gedichten

(1875)– Hadewijch– rechtenstatus




[pagina 242]
Ga naar tekstkritische notentekstkritische noten
XVII. De minne hevet vij namen Alse ghi wel weet na hare getamen Dat es bant licht cole vier Dese iiij namen sijn haer fier De andre iij sijn groot ende stranc Altoos cort ende ewelec lanc Dat es dau levende berne ende hille Dat ic u dese name vertelle Dat es om datse staen in der screfturen 10.[regelnummer] Om genoech te doene haerre naturen Datse orconden ende hebben getoent Dat ic u niet en hebbe ghehoent Dat minne al dese seden hevet Hi saelt al kinnen die haer vollevet Daer vele wonders ane gheleget Dat ic u voermaels hebbe ghezeget. Bant esse wel om datse bint Ende al in hare bedwange bekint
[pagina 243]
Hare bant es te allen wel gehort 20.[regelnummer] Alse hi wel kint dies hevet becort Want si in midden den troest te stoert Si gevet in allen rouwen confoert Hare bant doet dat ic van binnen Van pine versceede na mijn versinnen Hare bant doet al voeghen In een gebruken in een genoegen Dit es de bant die al dat bint Dat deen den anderen dore kint In pine in raste in orewoet 30.[regelnummer] Ende etet sijn vleesch ende drinct sijn bloet Ende dene herte de andere verteert Dene ziele dandere met storme dorevert Alsoe hi ons toende die selve es minne Dat gheet boven menschen sinne Die ons hem selven gaf te etene Daer bi dede hi ons te wetene Dat dat ware dat naeste der minnen Dor eten dor smaken dor sien van binnen Hi etet ons ende wi wanen hem eten 40.[regelnummer] Oec etewine dat moghewi weten. Maer om datti blivet soe onverteert Ende soe ongherenen ende so onbeghert Daer omme blivet elc ongheten Ende so verre buten anderen geseten Die in desen banden wert bevaen Hi mach te vollen eten gaen Wilt hi in gode ochte in menschen Dore kennen dore smaken boven wenschen
[pagina 244]
Hare bant doet weten wat dat si 50.[regelnummer] Ic minen lieve ende mijn lièf mi. Licht hare name doet al verstaen Wat den lieve ware meest mesdaen Ende wat der minnen meest becomt Ende wat saken die minne meest doemt In desen lichte machmen kinnen Hoe men den mensche god sal minnen Ende god mensche ende hen beiden in een Dit es een over rike leen. Cole hare name dat merke mi 60.[regelnummer] Wat tekene dat in de screfture si Het es een wonderlec present Dat god der zielen binnen zent In al vercrighen in al gebreken In soenne in dreighene in wreken In troeste in ioyen in arbeide In al die onsede die ic seide Die cole es een bode snel Die der minnen dient herde wel Sijn ambacht es sonder cessen 70.[regelnummer] Daer aen en mach niet die minnen messen Die cole ontstect dien die was cout Si maect dien blode die was stout Den varende setse te voet Den nederen maecse hoegen moet Den armen setse in een rike Dat hi niemanne en wike
[pagina 245]
Al dat vallen ende dat opstaen Dat nemen dat geven dat ontfaen Ontsteect ende bluschet bi orewoede 80.[regelnummer] De cole hare name nu werdet moede Selve hier in ende merket Wat onghehorder wondere hi werket Eer hi ten viere weder comt Daer hijt al binnen verdoemt Verberret verslindet ende verteert Dat ontseget was ende begert. Vier hare name dat verberret al Gelucke spoet ende ongeval Van allen wesenen es hem alleen 90.[regelnummer] Dien ye dit vier dus na ghereen Hem es sake te wijt noch te inghe Alse dit vier wert dus overghinghe Soe eest hen al eens wat verteert Ghehaet ghemint ontseget begert Gewonnen verloren getamen ontamen Vrome scade ere scamen Troest met gode in den hemel te sine Ochte in die elsche pine Dies es desen viere alleen 100.[regelnummer] Het verberret al dat ye ghereen Omme doemen noch om benedien En es mi oec dies maghic lien. Nu hare name hevet sijn ambachte Alse dat vier aldus berret met siere crachte
[pagina 246]
Soe comt de dau ende maket al vocht Alse een ongheorde soete locht Ende bringet dat cussen der edelre naturen Ende doetse in ongeduerne duren Die nyed verswelget so hare geven 110.[regelnummer] Datse dies seden altoes moet plegen Dan werden alle die storme gheleghen Die daer waren op gheheven Daer wert een gestille ghestaen Daer lief van lieven sal ontfaen Selc cussen alse wel betaemt der minnen Alse si lieve beveet in allen sinnen Si dorsughetse ende dorsmaket Alse minnen de lieve dus geraket Si etet hare vleesch si drinket hare bloet 120.[regelnummer] Die minne diese dus verdoet Verleidet soetelike hen beiden In eenen cussene sonder sceiden Dat cussen enecht scoene In enen wesene iij persoene Dus sachtet die edele dau den brant Die soe verstormt was in minnen lant. Levende borne hare seste name Volget den dauwe wel bequame Dat vloyen ende dat weder vloeyen 130.[regelnummer] De ene dore dandere ende dat in groeyen Dats boven sin ende boven verstaen Ende boven bekinnen ende boven ontfaen
[pagina 247]
Van menscheliken creaturen Doch hebbe wijt in onser naturen Die verhoelne wege die minne doet gaen Ende met slagen de soete cussene ontfaen Daer in ontfeet men dat suete levende leven Dat den levende levene leven sal geven De name es levende borne om dat hi voedet 140.[regelnummer] Ende levende ziele in de menscheit hoedet Ende met levene ute den levene ontspringet Ende den levene uten levene uwe leven bringet Die levende borne vloeyt tallen tijt In ouden gewoenten in nuwen vlijt Gnelijc dat ute ghevet die riviere Ende weder te hare haelt sciere Also verslindet de minne haer geven Dus es hare name borne ende leven. Hare sevende name dat es hille 150.[regelnummer] Der minnen daer ic ave quelle Want si al verslindet ende verdoemt Ende in hare nieman op en comt Die hare bevalt ende diense beveet Dat daer ghene genade toe en gheet Gelijc dat de helle al verdervet Ende men in haer el niet en verwervet Dan ongenade ende starke pine Altoes in ongheduerne te sine Altoes storm ende nuwe vervolgen 160.[regelnummer] Al verslonden ende al verswolgen
[pagina 248]
In hare grondelose nature Sinken in hitten in coude elke ure In der minnen diepe hoeghe demsterheit Dit gheet boven der hellen arbeit Die minnen kint hare comen hare gaen Es hem cont hi mach verstaen Datter minnen wel es bequame Dat helle es hare hoochste name Nu merket hoe in dese namen sijn 170.[regelnummer] Alle wesene van der minnen fijn So wijs en es herte dat hare gedochte Van den bande van minnen mochte Dat dusentechste deel geopenbaren Al liete si de andere vi varen Van den bande wert men seker des Dat vander minnen ghen sceden en es Bi ghenen wondere bi ghere cracht Dits der gaven der wijsheit macht Mensceleke herte en caent getogen 180.[regelnummer] Doch moetse bant met banden dogen Van lichte hebben wij der minnen hanteren Haers kinnesse willen in allen manieren Waer omme men de menscheit moet minnen Gelijc der godheit ende bekinnen Metten cole ontsteect si hen tween Metten viere verbertsise een Gelijc metten viere inden salamander Die fenix verbernt ende wert een ander
[pagina 249]
Metten dauwe wert die brant gesacht 190.[regelnummer] Ende ghesalvet met diere eneger locht Die welheit ende de orewoet Worptse dan in die diepste vloet Die grondeloos es ende altoos levet Ende metten levene hen drien een gevet Gode ende menschen in ene minnen Dits drieheit boven allen sinnen Dese bringet den zevende name Die hoochst es ende best bequame Dats hille na den wesene dat es minne 200.[regelnummer] Want si verdervet ziele ende sinne Soe datse meer vercoeveren en moge Noch te anderen saken en doghen Dan verloren te sine in stoerme van minnen Met live met ziele met herte met sinnen Bliven de minnende in de helle verloren Wie dat wilt wachtere hen voren Want voer minnen en es el gheen opstaen Dan alle uren troeste ende slage ontfaen Int maerch der herten die trouwe hevet kinnen 210.[regelnummer] Sochte men de offerande der vrier minnen Doe wi alsoe wi moeten winnen Al es men verre men saelt bekinnen. Dilata ira decrescit. Explicit liber iste. Deo gracias Amen.	[tekstkritische noot]3. cole ende vier. - 6. eweleec. - 7. borne. - 8. namen. - 10. hare. - 16. vormaels. [tekstkritische noot]21. den troeste testort. - 22. rouwe. - 29. rasten. - 36. wetenne. - 48. kinnen. [tekstkritische noot]52. wert meest. - 60. tekene in de screfture. - 64. In zoene. - 66. onseden. - 70. de minne. - 71. onstect. - 73. varenden. - 74. maectse hogen. [tekstkritische noot]79. onstect ende blusschet. - 80. name fijn werdet. - 82. ongehoerde. - 85. vertert. - 103. Dau hare name. [tekstkritische noot]105. die dau. - 106. ene ongehorde zuete. - 98. helsche. - 109. Die niet. - 130. De een. [tekstkritische noot]136. de zuete cussen. - 142. nuwe leven bringet. - 143. vloyet. - 152. niemen op en coemt. - 153. dien si so beveet. - 158. ongedurne. [tekstkritische noot]164. hillen. - 177. Bi gheenen. - 179. Menschelike. - 182. kinnessen. - 183. Waer omme de menscheit men moet. - 187. onstect. - 188. verbernt sise. [tekstkritische noot]190. ghesalvet metter. - 191. die oerewoet. - 192. in diepe vloet. - 195. ener minnen. - 196. Dats. - 197. zevenden. - 201. mogen. - 206. hem voren. - 209. hevet binnen.

Vorige Volgende

XVII.