Werken. Deel 1: Gedichten

(1875)– Hadewijch– rechtenstatus




[pagina 214]
Ga naar tekstkritische notentekstkritische noten
XI. Soe wie steet na sonderlinghen kinnen Hem gebrect een poent van rechter minnen Al selc kinnen eisscet men dicke te vroech Ende dat en es niet genoech Want het scijnt eenwillicheit Ende niet van den geeste een geleit Want waert ene leidinghe van gheeste God sout herde saen gheleesten Ende dats te kinscheleke gemint 10.[regelnummer] Dat men vele sonderlingheiden wilt Ende verkiest in delite te wesene Dats gebreken van hogen levene Menne sal om gevoelen noch om kinnen Dienen dan slechts te minne met minnen in minnen Dat men de helle niet en ontsaghen Noch om dies hemels hope en daden Dat men om hille noch om hemel Ware even blide ende even temel
[pagina 215]
Ende dat men minde sonder sate Ende begerde boven mate 20.[regelnummer] Ende boven redene ende boven sin Dat ware in minnen groot gewin Alse men name soudemen geven Ende dat minne eyschede soudemen leven Alsemen der ziele vonnesse gevet So weetse datse in minnen levet Ende alse si ghevoelt ellendecheide So machse kinnen der minnen zeden Al datse dan mach geleisten Sal minne gebieden hare ende eischen 30.[regelnummer] Levet si dan dus der minnen genoech Dat es wel der minnen gevoech Men moetse -oeffenen met herten met sinne Ende volgen met trouwen ende met minnen Nochtan dat men niet en weet van minne Verliest men alse men mach kinnen Herte ende crachte ende alle de zinne Ende den wille hevet gebonden de minnen Ende den menschen moet men so vele geven Dat men gheplaget wert in dit leven 40.[regelnummer] Metten ellendeghen doeget men noot Ende metten verslagene de doot Metten kaytiven doget men smertelecheit Ende metten minnende hertelecheit Die der minnen om minnen te dienste wilt staen Hi moet in meneghen onraste ontfaen
[pagina 216]
Die naheit vander minnen naturen Die beneemt der zielen hare geduren Soe si meer comt so si meer steelt Soe si meer toent so si meer heelt 50.[regelnummer] Die der minnen met minnen gestaen sal Al levende moete hi de doot anegaen Om dat hem in minnen iet mochte ontbliven Dat hi met arbeide mochte vercrighen Die nature die alle crachte verwint Doet ende leven gevet ende neemt Si es so crachtech in haren doene Sine ontsiet niet si es so coene In hare es al de macht van gode Der minnen wesen es in hare gebode 60.[regelnummer] Daer minnen met minnen in minnen es Dat es een grondeloos abys Daer moetense al in hare verdrinken Die hen in hare laten zinken Ende die hare volgen in hare nature Dien gevet si een ongedurech duren Die minnen springet ute haers selves nature Ende doet die herten in minnen beroeren Die volgen der cracht der treckender minnen Selen de edelheit daer sise in heeft kinnen 70.[regelnummer] Dat en mochte nieman anderen vertellen Noch gescriven noch ghespellen Die minne met minne hevet ghemint Wat hi wonders in de hoecheit vint
[pagina 217]
Nochtan en moghen der minnen begerten Met al desen niet gestilt werden Si recht hare in alle boven haer hebben Minne en laet hare ghene raste hebben Al ware te gadere tdoeghen al Dat ye was ende es ende wesen sal 80.[regelnummer] Hen mochte alsoe vele nie winnen Alse begerte van rechter minnen Si grijpt te doegene boven maten Ende te werkene dat hare minnen wilt laten Si ontfeet in onlede ende in ongeduren De minne en laetse niet geduren Si valt in onrasten van edelre ontrouwen Die starkere ende hoghere es dan van trouwen Trouwe die men met redenen mach saten Ende met sinne gewaerden mach 90.[regelnummer] Si laet hare dicke genoeghen Dat ontrouwen niet en mach voegen Trouwe moet dicke ontbliven Dat ontrouwen mach vercrighen Edele ontrouwe en mach niet resten Eer si vercriget dat alre beste Al dat minne es wiltse vercrighen Dies en mach haer niet ontbliven Hier af gevoeltse menege sure Dat minne mochte beteren in corter uren 100.[regelnummer] Dit dreget si alst quame van ontrouwen Datse wel weet dat comt van trouwen
[pagina 218]
Van begerte van ongheduldeger minnen Ende machse ghene raste gewinnen Ende van begerten der starker minnen Verliestse raste ende geduren van binnen So si hoger in minne versinct So si na hare begerte onghereder vint Want men in ellenden niet genoech venden mach Noch begerte vervult werden en mach 110.[regelnummer] Want si comt ute so hoger naturen Sine mach in gheen clein dinc ghedueren Minne vliet ende begerte volget naer Ende vendet emmer ongherede staet daer Die hoecheit en machse niet vercrighen Dat minne selve es moete haer ontbliven Mochte de ziele de nature ghekinnen Daerse van gode in ghemint es met minnen So soudse sere in verlanghene doeyen Ende al in genoechten vloeyen 120.[regelnummer] Dat ware te grote raste en trouwen Die mint moet doegen vele rouwen Die ter trouwen dienste wilt staen Ende trouwen van trouwen wilt ontfaen Ende in hoeger trouwen wilt leven Ende in hare dienste nemen ende geven Na haren rechte si vri ende sterc ende coene Altoes haren liefsten wille te doene Spaert hi daer vore eer ochte gemac Soe es hi de vrient die ter noet gebrac.	[tekstkritische noot]2. gerechter minnen. - 3. eyschet. - 10. sunderlincheiden. - 12. Dats gebruken. - 13. Men sal. - 15. ontsage. - 16. des hemels...dade. [tekstkritische noot]21. Boven redene. - 25. der zielen. - 27. alse ghi ghevoelt ellendechede. - 29 - ende hare eischen. - 37. minne. - 39. werde. - 43. minnenden. [tekstkritische noot]51. moet hi de doot anegaen al. - 52. Om dat in minnen. - 55. Doot. - 59. haren gebode. - 60. Daer minne. - 66. Die minne springet uut haers selfs. - 72. met minnen. [tekstkritische noot]76. in al. - 77. en gene raste. - 78. te gadere al tdoegen al. - 80. also vele niet. - 83. minnen. - 86. onraste. - 88. redene. - 91. ontrouwe. - 92. Trouwen. - 93. ontrouwe. - 98. menege zere. [tekstkritische noot]109. werden mach. - 118. doyen. - 119. vloyen. - 123. trouwe van trouwen. - 128. ere oft gemach.

Vorige Volgende

XI.