Werken. Deel 1: Gedichten

[p. 200]

tekstkritische noten

3. dogen moget. - 5. Die minne wert best selve es geciert. - 6. Met dogene. - 15. woudense dan om dogen.

V.

God sij uwe troest in allen zaken
Ende make u cont der minnen smaken
Daer ghi al bi doegheden moget
Ende doe u cont gherechte doget
Die minnen selve wert best geciert
Met doeghene daer menech gherne af vliet
Want wie nu genen troest en hevet
Hem dunct datti in dole levet
Die raste hevet na sijn genoegen
Het dunct hem al ter volmaectheit voegen
Dus sijn de meneghe nu bedroghen
Ende wanen volmaect sijn dats gelogen
Wouden si met redenen besien
Wat hen bi volmaectheide soude gescien
Ende woudense om doegen dan minne begeven
Hen soude gruwelen dat si leven.

[p. 201]

 

Wildi u ter hoochster minnen keren

 

Ende volmaecteleke hare wege volleren

 

Soe seldi altoos met bernende sinne

20.

Soeken nuwe dogen om minne

 

Ghi selt minnen selve gewerden laten

 

Si sal alle pine met minnen oersaten

 

Laetti u doegen sijn pine

 

Soen mindi niet dats wel in scine

 

Wildi rouwes plegen ende van dogene weten

 

Soe hebdi onser minnen al vergeten

 

Die al verwint ende verwinnen soude

 

Den genen die hare volwesen woude

 

Wildi met mi oec minnen plegen

30.

Siet in wat dogene ic hebbe gelegen

 

Dat u ongereet ware te doegene

 

Soe begert dan dogen om te hoegene

 

Dat wij te gadere in een bekinnen

 

Mogen gebruken onser minnen

 

Nu laet ons beiden soe ghereiden

 

Dat ons minne moghe te haer zelven leiden

 

Int hoochste ghereide daer de minnen

 

Ewelike sal wesen inne.

17. hoecster minnen bekeren. - 19. berrenden. - 23. Laeti. - 4. Sone. - 25. dogen. - 37. minne.