Werken. Deel 1: Gedichten

(1875)– Hadewijch– rechtenstatus




[pagina 196]
Ga naar tekstkritische notentekstkritische noten
IV. Ic bidde gode die alre dinc meester es Dat hi u ter minne make getes Ende met siere heileger cracht behoede Ende met siere sueter minnen voede Ic bidde der heileger drievoldicheit Dore hare genade ende om hare goetheit Gelijc si u met hare beelde hevet geheert Dat ghi int wesen soe wert volleert Dat ghi met redenen moet verstaen 10.[regelnummer] Wat god dore u hevet gedaen Ende wat hi in allen woude menen Ende den sen daer hi u in hevet verscenen Dat ghijt moet werken ende bekinnen Met volcomene dienste der minnen Leefdi met redenen in waerheit. So licht u alle uwe arbeit Soe lust uwen wille wel te levene Ende allen dienst te vollen te ghevene
[pagina 197]
Ende soe es hi vlietech ende staerc 20.[regelnummer] Ende en ontsiet pine noch werc Ende dan wert coene uwe memorie Ende in haer sal regneren glorie Ende daer toe toeverlaet met trouwen Datsi haren god te vollen sal scouwen Die toeverlaet hevet te sinen god Hi mint raet hi mint gebod Hem es alle pine bequame Want hi gherne volmaectheit name Daer hi gode met genoechde 30.[regelnummer] Ende de drievoldecheit met beroerde Die geciert es ende ciert so scone Dat grote rike die hoeghe trone Die elc hevet in sine nature Daer ane adde elc creature Genoech te doene die soude kinnen In hoe herteleker minnen God dese iij ghegeven hevet Daer men also neder in levet Alse de mensche nu leven daer inne 40.[regelnummer] Die niet en verstaen gerechte minne Wat holpe dat ic van minnen sprake Die minne es u te hoeghen sake Want gi sijt ionc ende u es onbekint Hoe hi minne genoech es die mint Daer omme haest u ter doghet Met al dat ghi volleesten moget In latene dat te late behort
[pagina 198]
Ende al te scouwene dat minnen testoert Ende al te doene dat minne iet eert 50.[regelnummer] Ende soeket in al dat minne leert Ende geldet dat ghi der minnen sijt sculdech Ende sijt al toter doot verduldech Ghine selt oec niet allene verdraghen Vernoy sonder beclaghen Maer ghine moghet niet weten dat u yet sij Maer altoos segghet ter doghet gebrect mi Daer ic minne bi soude vercrighen Hoe lange salic haar dus ontbliven En salic haer nemmermeer genoegen 60.[regelnummer] Ghene andere sake en sal u bedroeven Ghine moget niet weten dat ghi doget Dore minnen eere het al genoeget Alse instrumente te gode werken Dit sal uwe redene verlichten ende sterken Ghine zeelt niet allene sijn melde Maer alse die nye en hadde noch hebben en wilde Op alle dinc alse op doerne Ende keert u te siene noch te hoerne Ghene zaken van vremden dinghen 70.[regelnummer] Ja van creaturen sonderlinge Daer ghi genoechte in moecht hebben Maer altoos werdet te idelre crebben Dat u minnen niet en vende verladen Jeghen hare ende iegen hare raden Te alre mesdaet hebt genade Bi minnen gebode bi minnen rade Soe slachti der hogher minnen naturen
[pagina 199]
Die soe soete es datse elke ure In minnen verslendet dat men haer doet 80.[regelnummer] Eest lief eest leet eest arch eest goet Die minne si gevoelt al minnen Sien can niet el bekinnen Die al dore der minnen ere doet Sijn dienst hevet gherne goeden spoet Sijn wille hevet altoos uwen vlijt Dus bidde ic u dat ghi de ghene sijt Die altoes nauwe omme minnen poget Haer lieve te doene gherne doghet Omme minnen wille al dies ghi moget 90.[regelnummer] Ontberen dies ontberet in uwer ioget Offert der minnen op gheheel Uwe herte sonder wederdeel Dus laet uwen wille leven in vlijt Ende siet dat ghi der minnen genoech sijt Ende altoos so wat ghi doet Emmer blivet in enen moet Soe sal uwe memorie coene wesen Ende vonnessen in gode lesen Ende met trouwen gode ane zien 100.[regelnummer] Daerbi sal al van u vlien Dat uwe wesen mochte bedroeven Doet al dat minnen mach genoegen Ende dies ghi in doegheden ghenieten moghet Ende altoos houd u ane de doget Dus houdt uwe drievoldecheit in gereke Ende mint gode soeteleke.	[tekstkritische noot]2. minnen. - 6. genade om hare. - 11. meinen. [tekstkritische noot]19. vlitech. - 34. hadde. - 39. menschen. - 42. hoge zake. [tekstkritische noot]48. minne. - 65. selt, - 72. ter ijdelre. - 77. nature. [tekstkritische noot]85. nuwen. - 86. biddic u. - 103. genyeten. - 105. hout u drievoldegh.

Vorige Volgende

IV.