|
| |
| |
| |
Mengeldichten.
| |
| |
| |
| |
I.
God si met u, van mier groeten
Mach u cleine vertuut ontmoeten
Dan omme dat ghijt hebben wout
Ende ghiere mede spelen soudt
Soe antwerde ic u in spele
Met corten worden ende niet vele
Mi es alse enen kinde gesciet
Dat na sprect dat het spreken hoort
10.[regelnummer]
Eert bekint hevet ocht becoert
Der minnen nature es mi oncont
Want hare wesen ende hare gront
| |
| |
Hoe mi daer af te moede si
Dats mi alsoe goet verswegen
Als ter vremder stat gedreghen
De minnen moet u doen bekinnen
Hoe men met minnen mint in minnen
Haer nature doe u verstaen in nyed
20.[regelnummer]
Hoe men met nyede in nyede ziet
God doe u in uwe gebreken pinen
Ende verstaen in uwe vercrighen
God doe u in onthopen leven
Met alden diensten dien ghi moget geven
25[regelnummer]
Ende der na in hope te ghecrighene
Ende in minnen nature niet te ontblivene
Dit en seidic dus niet om dattic woude
Vore u bidden noch dor uwe houde
Maer dat gijt woudet in groeten hebben
30.[regelnummer]
Daer omme moestict u dus segghen
Hoe minnen haerre nature pleget
Hoe minnen nemet ende ghevet
Dat es in menegher manieren
Daer si hare wesen met doet cieren
In minnen wesen es al beloken
Vercrighen gebreken hopen onthopen
Al dat menre af hort ende siet
Ende bekinnen mach ende verstaen
40.[regelnummer]
Dats onvercreghen ende onghedaen
| |
| |
Die der minnen wilt sijn na minnen getame
Hi moet in allen sijn minsame
Het moet dore minnen al leet genoegen
Hi moet hem te allen dinghen voegen
Beide in lichte ochte in sware
Ghelijc ochte hi haer eyghen ware
Hine mach ontsien ghene noet
Anxt noch pine,scade noch doet
Daer hi haet, moet hi toe geven
50.[regelnummer]
Daer hi mint, moet hi opnemen
Ende alse hi alre gerenst name
Na gevulen ende hoge bekinnen
In hoge verstane der naturen der minnen
55[regelnummer]
Soe valt hi neder soe int niet
Dat hi nochtan hort ende ziet
Ende inder minnen nature versteet
Dat dunct hem verre ende ongereet
Nature eyschet soe met storme naturen
60.[regelnummer]
Ende doetse in ongheduerne duren
Die nyed verswelget so al haer geven
Dat si dies seden altoos moet plegen
Vercrighen doet den sin failieren
Ende toecomen van menegher manieren
65[regelnummer]
Want alse men raste hevet swiget men stille
Dat en dade men niet had men onwille
Die raste vercrighet wilt dicke sijn
Int herscap van der minnen fijn
| |
| |
Soe es hi comen quansijs te hove
70.[regelnummer]
Ende waent wonen in die gelove
Van den getroesten ende int geven
Daer hi lange sal sonder leven
Vercrighen hoeget oec den sin
In menech harden fier gewin
75[regelnummer]
Want hi vercrighet daer hi na pijnt
Ic peise dat hem vroude ane scijnt
Want hi droeft die daer te dienste steet
Daer dat gewin es ongereet
Maer ioosten ende hoghe daet
80.[regelnummer]
Doet hi dicke dat wale staet
Die gene die met fieren zinne
Waent vercrighen gerechte minnen
Ghelijc dat die ridderen coene
Van fierheiden pleghen te doene
85[regelnummer]
Scoenheiden ane hare scacht
Daerbi versteet men haerre fierheit cracht
Ende dat si bi diere daet gewinnen
Hulde ter stat daer si minnen
Alsoe doet oec de edele sin
90.[regelnummer]
Daer nature met nyede es in
En es in minnen delijt so hoghe
Noch pine van soe groten gedoge
Die haere fierheit laet ontbliven
Siue willet over recht gecrighen
95[regelnummer]
Onvercrighen es hoegher daet
Die daer met starken nyede in staet
| |
| |
Want die weet datten geberst
Hi es die ghene die niet en verst
Up dat hi weet waer die stat si
Soen sal hi gene pine sparen
Hi sal met nyede in storme dorvaren
Est ieghen gode eest daer mede
Dat es der vrier minnen sede
Dit en segghic niet om dattic prise
Maer omme dattic den wech der minnen wise
Joncfrouwe oec niet dat ic u wise
Maer der minnen vriheit prise
Want ieghen gode en was nie dinc
110.[regelnummer]
Die men in rechter minnen beghinc
Al seggict doer der riker gewout
Die minnen hevet in hare behout
Dat kennic men ende ghi kinnet bat
Ghi sijts int scaec ende ic int mat
Van hope en canic niet ghesecgen
Gine selet in wesen naerre hebben
Daer omme benics vele te bloder
Ende spreker u af vele te noder
Want ghijt met plegene naerre kint.
120.[regelnummer]
Die met nyede in hope mint
Hi gevet ende nemet up sijn gewin
Hi versteet meneghen sconen sin
Hoe men nemen sal ende geven
Ende gherechter minnen pleghen
| |
| |
Die al es ende hi versteet
Waer sijn ghewin hem es ghereet
Hi gevet hen allen die sijns behoeven
Hi troest de ghene die hem bedroeven
Hi radet dien die lettel weten
130.[regelnummer]
Hi comt op menech hoech vermeten
Hi stoermt op behaghelheide
Hi versteet de hoghe werdecheide
Die men metter vrier minnen
In hopende werke mach gewinnen
Wat holpe dat ic van hope seide
Hope en ontsiet ghene arbede
Met hogen hopen gecriget men al
Dat es ende was ende wesen sal
Onthope dat sijn meerre storme
Onthope doet dienen quade ende goede
Het scijnt onspoet in groten spoede
Die met onthopene es bevaen
Sijn nemen, sijn geven es ongedaen
Sprect hi het dunct hem onghehort
In onthope wert al becort
Raste ende pine van minnen storme
Hier bi heeft hi ongedane vorme
Die in onthope levet ende pijnt
150.[regelnummer]
Het dunct hem emmer onghefijnt
Dat hem sijns willen niet en ghesciet
Wat hi bekint het dunct hem nicht
| |
| |
Hier bi verstormt hi ende dient echt
Sijn dienst dunct hem te cleine in werke
Dat houtten altoos in minnen sterke
Dat men hem gevet dunct hem te cleine
Dat houttene altoos in swaren lene
Dats onthope die altoos hacht
160.[regelnummer]
Te pijnne in de meeste cracht
Dats een herde scone werc
Hets onverwonnen ende even sterc
Het gevet al dat men soude geven
Het levet al dat men soude leven
Het hevet al dat men hebben soude
Het wilt al dat god ye woude
In arme in rike in nedere in hoghe
In onthope ende in onghedoghe
Die dus in allen werct ende pijnt
170.[regelnummer]
Ende in coste en failieert noch en fijnt
Hi gecrighet al dat god ewelike
In hem sal wesen in hemelrike
Dat ic woude van edelen nyede
Seggen wat bi hem gesciede
Want ic en ben niet so vri
Dat ic mijns selves yet hebbe vertegen
Alsoe men in nyede sal plegen
Dat in nyede iet soude vercrighen
180.[regelnummer]
Hi moeste hem selven in allen ontbliven
Ende vertien eren ende rasten
Die waghe draghet van swaren laste
| |
| |
Dies bennic in goeden wane
Ende en achte niet meneger dinge
Met te iubeleerne sonderlinge
Noch vremde saken te onderwindene
190.[regelnummer]
Noch cleinen rouwe te bene te bindene
Noch doer ere te latene vriheit
Noch te doene ombescedenen arbeit
Want dit sijn tekene van ontblivene
Ende minne niet te vercrighene
195[regelnummer]
Gherecht nyed dats begherten gront
Die meneghe herten maect onghesont
Begerte gaept altoes so wide
Dat ict ghelike te zegghene mide
Want alle gheliken sijn te cleine
200.[regelnummer]
Te selken gapene alsic meyne
Begerten wesen es al nyed
In welken soe si hare besiet
Smaectse kintse si es onversadet
Wie mach dan diense dus verladet
Al hadde begherte al dat minne
Geleisten mach boven allen sinne
Nochtan soude si ongecost bliven
Wat machmen dan in nyede vercrighen
Ongenade ende starcke pine
210.[regelnummer]
Altoos in onghedure te sine
Dat ic van nyede hebbe geseget
Dats cleine ieghen datter in leget
| |
| |
Dat ic van minnen sprake vort
Daer toe hebbic te cleine confort
Daer ic so vele crachts bi name
Volpriisde na hare werdecheit
Ende den wonderliken arbeit
Dien si gevet dien si mint
220.[regelnummer]
Daer si hare selven in bekint
Si doet hem onghereet begeren
Si doet hem grote ghereetscap vlien
Si doet hem soeten dienst ontsien
Si doet sine vriheit staen in rechte
Si maect sine heerscap knechte
Si maect sine eighenheit vri
Si maectene aerm hoe rike hi si
Si neemt hem alre zaken macht
230.[regelnummer]
Daer hi der minnen met dede overcracht
In de nature van hoger minnen
Daer machmen wonder in bekinnen
Si doet vervolgen al dat ontvliet
Si doet verwinnen dat men ontsiet
235[regelnummer]
Si hevet gewout in erde in hemel
Si maect den minnende so temel
Datti en ontsiet pine no leet
Hine si in alle haren dienste gereet
Eest in quade eest in goede
240.[regelnummer]
Dat sijn der vrier minnen spoede
Waeromme in goede waeromme in quade
| |
| |
Waeromme in vrome waeromme in scade
Daer omme in goede dat men sal nemen
Van minnen recht ende wel getemen
245[regelnummer]
Daer omme in quade dat men der minnen
Gheen recht te vollen en can bekinnen
Dus moeti hem bezoeken in al
Die gewarege minne vercrigen sal
Daer omme in vrome die minne gewint
250.[regelnummer]
Dat hijt hare sonder leen bekint
Daer omme in scade; al dat men mach
Dore minnen verdinghen: ongelach
Scande, pine, leet ende toren
Dat hevet de minnare al vercoren
255[regelnummer]
Ter minnen behoef ocht ware gewin
Daer en spaert hi vore herte noch sin
Hi nemt alse gherne suer alse suete
Op datter minnen genoegen moete
In gode toent minnen hare genoechte
260.[regelnummer]
In quade dat men haers hevet behoefte
In vrome toentse dat hare gewinne
Geven rijcheit altoos ende minnen
In scade toentse dat hare cracht
Den hemel ten dale hevet bracht
265[regelnummer]
Dat gewin dat quam van scaden
Ende de genaden van mesdaden
Die minnare die minne wilt verstaen
Hi sal gherne pine ontfaen
Hi sal hem cieren met minnen nature
270.[regelnummer]
Ende met onthopene de wegen pure
| |
| |
Gebreken besoect den gront van minnen
Vercrighene doet hare rijcheit kinnen
Onvercrighen doet nauwe poghen
Hoepe doet vlieghen in minnen hoege
295[regelnummer]
Met nyede sal men gebruken minnen
Ende volcomelike smaken ende kinnen
Hare glorie ende hare welde
Onse bliscap ende onse selde
Onse ioye ende onse delijt
Na dien dat men die nature van minnen
Met desen poynten mach gewinnen
Soe es hi sot die spaert ene ure
Hine gheve hem selven in avonturen
Die hem ontmoet dus moeti kinnen
Waer hi mach dese poente ghewinnen
Te sinen gebode te sinen rechte
Ochte waren sine ghehuerde knechten
Soe hevet hi ioie met minnen in al
290.[regelnummer]
Alsoe lief in lief gebruken sal
Die minnen van minnen wilt ontfaen
Dien tijt datti es in sijn verstaen
Soe gheve hem selven in al den minnen
Soe mach hi van minnen minne ghewinnen
God gevese hen allen die staen na minne
Ic ben diese niet en kinne
Noch kinnen en wane vore mine doot
300.[regelnummer]
Dat ontfarme hem die minne ghebood.
|
-
-
[tekstkritische noot]2. virtuut. - 10. becort.
-
-
[tekstkritische noot]14. mi te moede daer af si. - 15. geswegen. - 16. Alse te vremder. - 19. Hare nature doet. - 27. dat ic woude - 30. moestic. - 31. hare. - 34. doen cieren. - 37. Ende dat es.
-
-
[tekstkritische noot]45. ende in sware. - 60. in ongheduren geduren. - 61. so sal haer.- 63. faelieren. - 65. zwijgt.
-
-
[tekstkritische noot]74. harde. - 78. sijn gewin. - 86. haere. - 95. hogere. - 96. in bestaet.
-
-
[tekstkritische noot]98. verst. - 101. Soe sal. - 115. geseggen. - 116. narder. - 119. niet ende nare. - 120. in hopen.
-
-
[tekstkritische noot]125. ende hem versteet. - 134. werken.
-
-
[tekstkritische noot]156 en 158. houten. - 170. faliert.
-
-
[tekstkritische noot]192. onbesceden. - 196. herte. - 199. gelikene. - 200. sulcken. - 203. onversaedt. - 204. verlaedt.
-
-
[tekstkritische noot]216. de minne. - 229. sijn heerscap. - 240. vriher minnen.
-
-
[tekstkritische noot]254. minnare vercoren. - 255. oft were. - 257. tsuer. - 259. goede toent minne.
-
-
[tekstkritische noot]272. Vercrighen. - 274. hogen. - 284. avonture. - 285. dus mach hi. - 290. in al der minnen.-291. van minnen lief. - 292. in verstaen.
|
Auteursrechtvrij