Werken. Deel 1: Gedichten

[p. 170]

tekstkritische noten

1. verbard die tijt. - 6. Mire sielen ioye mire.

XLV.

Ay in welken soe verbaerd de tijt
En es in al de werelt wijt
Dat mi gheven mach delijt

Dan verus amor.

Ay minne op trouwe want gi al sijt
Miere zielen ioie mier herten vlijt
Ontfaermt den noet siet ane den strijt

Hort cordis clamor.

Ay wat ic mijn wee roepe ende clage
De minne doe met mi hare behaghe
Ic wille hare gheven alle mine daghe

Laus et honor.

Ay minnen ochte trouwe uwe oghe ane zaghe
Want mi maect coene dat ics ghewage
Want mi ierst op uwe hoghe staghe

Uwe traxit odor.

[p. 171]

 

Ay minne ia gi die nie en loghet

 

Want ghi mi toenet inder ioghet

 

Daer ic na quele want ghijt vermoghet

20.

Sijt medicina.

 

 

 

Ay ia minne ghi die als sijt voghet

 

Ghevet mi omme minnen dies ghi meest hoghet

 

Want ghi sijt moeder alre doghet

 

Vrouwe et regina.

 

 

25

Ay, werde minne fine pure

 

Wan siedi ane hoe ic ghedure

 

Ende sijt in mine bettere zuere

 

Condimentum.

 

 

 

Ay ic dole te swaer in de avonture

30.

Mi sijn al andere saken suere

 

Volgevet mi minne uwe hoghe nature

 

Sacramentum.

 

 

 

Ay benic in vrome ochte in scade

 

Si al minne bi uwen rade

35

Uwe slaghen sijn mi genoech genade

 

Redemptori.

 

 

 

Ay wadic gewat clemmic up grade

 

Bennic in honger ochte in sade

 

Dat ic u minne genoech voldade

40.

Bene mori.

18. tonet. - 21. voeget. - 27. sure. - 29. die avonture. - 30. sake. - 31. u hoghe. - 38. Benic.