Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 159]
Ga naar tekstkritische notentekstkritische noten
XLII. Comen es de droeve tijt Van buten ende vele van binnen meer Dat ghi ons, lief, ontbleven sijt Dat es een onverwinlec seer 5[regelnummer] Dat goet dat ghi gavet wilen eer Dat ontblivet ons bi vremden keer Ende uwe rike gheleer Ende hoe ghi uwe selven sijt gheheer. Wildi ons minne van u ontherven 10.[regelnummer] Soe ne wete wi waer ontvlien Soe moete wi al te male bederven Wine wisten onthouden sijn van wien Wi selen ons troesten doch indien Dat ghi seidet het es waer het sal ghescien 15[regelnummer] Men en sal niet twifelen in dien Waerdi verhoget ghi soudet voltien. Ay minne wie sal u in hem volhoghen Dat ghine voltrect al dat ghi sijt
[pagina 160]
Wie sal die diepe dalen poghen 20.[regelnummer] Die hoghe berghe die velde wijt Met diepen oetmoede in uwen vlijt Met toeverlate in hoghe delijt Stare in den strijt Dies hulpet saen minne dies es noet het es tijt. 25[regelnummer] Het es ghelijc, uwe hoghe name, Alse olie ute ghegoten, minne, Suete ende saechte verwale bequame Maer boven al sidi ghenoechte den innegen sinne Si sijn ghesaeyt doch herde dunne 30.[regelnummer] Die vet werden gevoedt daer inne Ende die wel bekinnen, minne, Van uwen name die rike gewinne. Dies, minne, uwe name es ute ghegoten Ende met wonders vloede al overgaet 35[regelnummer] Soe sijn die opwassende dore vloten Ende minnen in woede boven raet Soe doense meneghen rike daet Ende roepen,al vri in toeverlaet Es al mijn raet 40.[regelnummer] Ay hoe hi te gheet daer hi volvaet. Hina vecht niet die hem niet en wert Die volwassen wilt hine spare hem niet Die sonder voede wert verteert Het es selden dat hem ere ghesciet
[pagina 161]
45[regelnummer] Hi es bloede die dat vliet Dat hem selven iagen riet Dat es minne die ons hare rike onthiet Ay niet men dan al en si ons iet. Mach enech dinc de herte hermaken 50.[regelnummer] Die selve minne niet en es al Dat geet buten der zielen smaken Want hare niet men ghenoeghen en sal Dan van minnen geborte die op wal Ende die grote wondere sonder ghetal 55[regelnummer] Tote dien inval Daer minne der minne nie minne en hal. Dat minne der minne yet soude helen Dat ware der zielen een evel slach Soe moeste si in honghers woede quelen 60.[regelnummer] Die niet dan minne ghesaden en mach Maer herte ende sen ghedoen wel el In dachcortinghen ende in spel Ende in aerm gheniet Verwandelen si wel hare verdriet.	[tekstkritische noot]4. es ons een. - 8. u selven. - 10. So ne weten. - 11. moeten. [tekstkritische noot]19. dale. - 28. den zinne. - 43. verteert. [tekstkritische noot]49. herten. - 56. der minnen. - 57. der minnen. - 63. arme geniet.

Vorige Volgende