Werken. Deel 1: Gedichten(1875)– Hadewijch– Auteursrechtvrij Vorige Volgende [pagina 129] [p. 129] Ga naar tekstkritische notentekstkritische noten XXXIV. In allen tiden nuwe ende out Si hi der minnen onderdaen De somer heet den wenter cout Die minne van minnen wilt ontfaen 5[regelnummer] Hi sal met vollen dienste staen In hoger minnen hantieren Soe wert hi minne met minnen saen Dat en mach hem niet failieren. Suer ende donker ende overwreet 10.[regelnummer] Sijn der minnen weghe in haer beghin Eer selc met minnen dienste gesteet Failieert hi dicke ane den sin Daer hi waent verliesen hets al gewin Waer bi mach men dat bekinnen 15[regelnummer] Dats die en sparen meer noch min Dan al hen gheven in minnen. Die meneghe twifelen ane de minne Dies hem die arbeit dunct te swaer [pagina 130] [p. 130] Ende si ten eersten niet en nemen inne 20.[regelnummer] Si dinken soutsu dolen daer Ware hen de loon vore de oghen claer Die minnen ghevet ten inde Ic dar wel segghen openbaer Si doelden hare ellende. 25[regelnummer] Noch nie en wert sake in minnen verloren Die men doer minne ye ghedede Minnen geldet emmer na ochte voren Minne es altoos der minnen mede Minnen kent met minnen der minnen sede 30.[regelnummer] Haere nemen es altoos gheven Minne ghevet met hare behendichede Wel meneghe doot int leven. Hets oversuete in minne verdolen Hare welde weghen die minne doet gaen 35[regelnummer] Het blivet den vremden wel verholen Maer die met waerheiden minnen gestaen Si selen met minnen in minnen doer gaen Al dat rike daer minne es vrouwe Ende al dat heerscap met hare ontfaen 40.[regelnummer] Ende dore smaken hare edele trouwe. Die smake die trouwe in minne ghevet Wie el iet seget dat weelde sij Die hevet ye sonder weelde gelevet Na dien dattic versinne mi [pagina 131] [p. 131] 45[regelnummer] Want hets hemelsche genoechte vri Te vollen sonder gebreken Du mi al lief ende ic al di Daer nes gheen ander spreken. Die dus in minnen sijn worden een 50.[regelnummer] Ic mach wel swighen hoet hen steet Noch sien noch spreken dats mijn leen Want ict met wesene niet en weet Hoe lief daer lief al omme veet Ende ghebruken een gheven 55[regelnummer] Wat wondere eest dat mi rouwe versleet Dat mi dat noch es ontbleven. Dat ic der minnen ye ure ghebrac Berouwet mi sere dan nes wonder niet, Met rechte doeghics onghemac 60.[regelnummer] Dat ic mi ye so neder liet, Want mi de minnen al goet onthiet Ochte ic ye so hoghe gedachte Te werkene int rike dat si mi hiet Int hoochste van haren ambachte. 65[regelnummer] Dat rike daer ons de minne toe riet Ende tambacht dats ons werken hiet Dats minnen plegen ende anders niet Met al den dienste die daer toe gheet Die dit met trouwen wel versteet [pagina 132] [p. 132] 70.[regelnummer] Te werkene in allen zinne Hi est dien minnen al beveet Ende hi wert al een in minnen. Hiertoe so manic alle de fine Die minnen met minnen willen ghestaen 75[regelnummer] Aldus in minnen dienste te sine In al haer comen in al haer gaen Hare opheffen haer nederslaen Si hem al even soete Soe werden si minne met minnen saen 80.[regelnummer] Dies ons god hulpen moete. [tekstkritische noot]1. Tide. - 3. Den somer heet de winter. - 8. faelieren. - 9. donker overwreet. - 11. met dienste der minnen gesteet. - 12. Faeliert. - 15. spart. - 16. Dan hem al geven. - 17. twivelen. [tekstkritische noot]20. soufstu. - 21. die loen vore die ogen. - 34. wege. - 39. eerscap. - 41. in minnen. [tekstkritische noot]51. dats mi. - 58. dat en es. - 59. dogics. - 66. dambacht dat si. - 69. Die dit. [tekstkritische noot]70. alle zinnen. - 71. Hi eest. - 72. al in minnen Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij