Werken. Deel 1: Gedichten

[p. 126]

tekstkritische noten

3. moeten. - 10. oppenbart. - 11. genuechten hen. - 15. en ghene.

XXXIII.

Die tijt vernuwet met sinen iaren
Die daghen lichten die donker waren
Die minne begeren ende moete ontbaren
Hets wonder datse niet en vervaren.

Dit nuwe iaer es comen in
Die hevet ghekeert sinen sin
Daer hi ne wilt sparen meer noch min
Voer minnen sine pine wert al ghewin.

Maer die enege pine vore minnen spaert
Ende alsoe sine nederheit openbaert
Ende in vremden genoechten hem soe bewaert
Hets recht dat hi in dienste verswaert.

Maer die van minnen sijn gheboren
Ende te haerre naturen sijn vercoren
Sine sparen en ghenen pine daer voren
Si leven altoos in heileghen toren.

[p. 127]

 

Dien hogher minnen nature gherijnt

 

Hi es die altoos gherne pijnt

 

Alse aen sine werken wale scijnt

20.

Het dunct hem emmer onghefijnt.

 

 

 

Dat ware den finen mensche scade

 

Datti bi vremden nederen rade

 

Liete te werkene de hoge dade

 

Die hongher gheven in minnen zaden.

 

 

25

Sat ende honger beide in een

 

Dats der vrier minnen leen

 

Alse ye den ghenen wale sceen

 

Die minne met hare naturen ghereen.

 

 

 

Dat sat comt minne men canse ghedraghen

30.

Dats honger houtse op dats een claghen

 

Hare scoenste verlichten sijn sware waghen

 

Hare scarpste storme sijn nuwe behaghen.

 

 

 

Hoe maect der minnen coemste sat

 

Men smaect met wondere dat sies dat

35

Si doet besitten hare hoochste stat

 

Si ghevet hare rijcheit dien groten scat.

 

 

 

Hoe maect honger der minnen ophouden

 

Sine connen bekinnen dat si souden

 

Noch niet gebruken datsi wouden

40.

Dat doet den hongher menechfouden.

[p. 128]

 

Hoe maect verladen der minnen verlichten

 

Menne can ontfaen hare grote gichten

 

Ende menne can hare gheen ghelike dichten

 

Soe ne weet men waer gheduren stichten.

 

 

45

Hoe doetse behaghen storm ende slach

 

Die edele minne nacht ende dach

 

Want men niet els gheplegen en mach

 

Dan toeverlaet op minnen sach.

 

 

 

Nu ic bevele der heileger minnen

50.

U allen die minnen wilt bekinnen

 

Ende daer voer en spaerd in ghenen sinnen

 

Met nuwen vlite te woenene daer binnen.

 

 

 

Met nuwen verlichten hebt nuwen vlijt

 

Met nuwen werken sat nuwe delijt

55

Met nuwen stoerme nuwen honger so wijt

 

Met nuwe verslinden nuwe eweliken tijt.

21. menschen. - 28. harer. - 29. Dats. - 33. coenste. - 34. wondere dat si es.

43. Men can haer geen gelijc gedichten. - 51. spart. - 52. Met uwen. - 56. Dat nuwe.