Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 122]
Ga naar tekstkritische notentekstkritische noten
XXXII. Tsiaermeer ontspringhen ons de bloemen Ende andere crude menechfout Oec salmen die edele herten doemen Die leven in minnen ghewout 5[regelnummer] In minnen settic mijn behout Ende mine gewout in hare hande Van haer en eyschic ander scout Dan ic al blive in haren bande. Die nu droeghe bant van rechter minnen 10.[regelnummer] Alse men wel minnen sculdich ware Dies souden hen saen onderwinden Die wrede vremde al oppenbare Si doen hem meneghe grote vare Dien die staen in hogher minnen hoede 15[regelnummer] Maer wat si hen doen te sware Gode danc dat es ten cleynen spoede.
[pagina 123]
Die hogher minnen dienen sal Hi ne mach ontsien en ghene pine Hi sal hem gheven al omme al 20.[regelnummer] Omme hoegher minnen genoech te sine Ende es dat sake dat hi yet fine Soe mach hi wel de waerheit kinnen Dat hi meer ne wordet in scine Meester van gherechter minnen. 25[regelnummer] Minne es meester menegher dinc Si ghereet suer ende suete Sint ic van hare ierste smake ontfinc Licghic altoos op hare voete Ic bidde hare dat haer ghenoeghen moete 30.[regelnummer] Dat ic dor hare eere drage Quale ter doot al sonder boete Ende ics den vremden niet ne clage. Die den vremden dade cont Wat men verdraghet omme minnen eere 35[regelnummer] Hine maecte hare therte wel onghesont Ende quetse hare nature seere Want sine verstaen men noch meere Want men dore rechte minne moet doghen Avonture ende sware kere 40.[regelnummer] Ochte si in hare minne sal hoeghen. Die minnen wille wel genoeghen Ic rade hen dat si niet en sparen
[pagina 124]
Ende si hare wesen daertoe voeghen Dat sij met nyede in storme dore varen 45[regelnummer] Ane haren danc dien merkaren Die soe staen na hare pine Wat sise dan moghen swaren Hen steet altoos vri te sine. Vriheit mach men wel bekinnen 50.[regelnummer] In joesten ende in hogen daet Die met fierheiden dorevaert van sinne Daer stoerm van minnen hem ieghen staet Want men in joesten prijs ontfaet Daer men bi minnen werdech scine 55[regelnummer] Minne es so riken toeverlaet Hets recht dat men doer hare pine. Die enege pine ontsien in minnen Seker sine moghen niet verstaen Wat de ghene moghen winnen 60.[regelnummer] Die minnen altoes sijn onderdaen Ende van hare sware slage ontfaen Daer si al onghenesen ane bliven Ende hoghe up risen ende neder slaen Ende si der minnen ghenouch gheriven. 65[regelnummer] Traghen herten ende nederen sinnen Hen blivet verborghen tgrote goet Dat de ghene wel bekinnen Die leven in minnen orewoet
[pagina 125]
Want si doen menech scoen ghemoet 70.[regelnummer] In stormen ende in avonturen Hets recht dat si hebben spoet In der minnen hoge nature. God geve hen spoet die daer nae staen Dat si der minnen willen behaghen 75[regelnummer] Ende gherne dore haer ontfaen Groten last met swaren waghen Ende altoes vele omme hare verdraghen Dies si de minne werdech kennen Ic onste hen wel dat si noch saghen 80.[regelnummer] Die wise wondere vander minnen.	[tekstkritische noot]1. Tsaermeer. - 3. herte. - 9. gerechter. - 13. menegen groten. - 15. hem doen. - 16. God danc dat es te cleinen. [tekstkritische noot]27. ierst. - 28. Ligghic. - 30. dore hare ere. - 32. en claghe. - 37. min noch mere. - 38. Wat. - 41. willen. [tekstkritische noot]44. doervaren. - 45. diere merkaren. - 59. die gene. - 62. ave bliven. - 64. genoech. - 67. die gene. - 68. oerewoet. [tekstkritische noot]73. hem. - 77. om haer. - 79. soghen.

Vorige Volgende