Werken. Deel 1: Gedichten(1875)– Hadewijch– Auteursrechtvrij Vorige Volgende [pagina 106] [p. 106] Ga naar tekstkritische notentekstkritische noten XXVIII. Die vogle sijn nu blide Die de winter dwanc Si selen in corten tiden, Des hebbe de minne danc, 5[regelnummer] Die fiere herten die hare pinen Ghedoget hebben over lanc Op toeverlaet van minne Si hevet so rike gewout Si sal hem gheven sout 10.[regelnummer] Boven alle sinne. Een die van hoghere minne Wilt al minne ontfaen Hi sal in allen sinnen Gherne daer na staen [pagina 107] [p. 107] 15[regelnummer] Dat hi de starcse doet Van minnen wilt ane gaen Ende altoes even coene Wat edele minnen ghebiedt Dat hi dies niet en ontsiet 20.[regelnummer] Hine sijt ghereet te doene. Ay wat sal hen dan ghescien Die levet na der minnen raet Want hi ne sal niemene sien Die sine noet verstaet 25[regelnummer] Men sal met vremden oghen Hem toenen vremt ghelaet Want hen sal nieman kinnen Wat node hi ghedoghet Eer hi sine noet verhoghet 30.[regelnummer] In orewoede van minnen. Orewoet van minnen Dats een rike leen Ende die dat woude kinnen Hine eischede haer el negheen 35[regelnummer] Die tiersten waren twee Die doetse wesen een Dies ic die waerheit toghe Si maect dat suete es suer Ende den vremden na ghebuer 40.[regelnummer] Ende si bringhet den nederen hoghe. [pagina 108] [p. 108] Si maect den starken cranc Ende den sieken al ghesont Si maket den rechten manc Si heilt dien die was ghewont 45[regelnummer] Si maect den onbekinden Die wide weghe wide comt Daer menech in moet dolen Si doet hem weten al Wat men leren sal 50.[regelnummer] In hogher minnen scolen. In hogher minnen scole Leert men orewoet Want si bringet dien in dole Die hem wel verstoet 55[regelnummer] Die tiersten hadde ongeval Dien doetse hebben spoet Ende maectene al dies here Daer minnen selve af es vrouwe Ic ben dies wel getrouwe 60.[regelnummer] Ende dies meer en kere. Die minnen niet en doghen Ic gheve hem goeden raet Ochte si niet meer en moghen So bidden haer doch afflaet 65[regelnummer] Ende dienen met gheloeve In hogher minnen raet [pagina 109] [p. 109] Ende peisen het mach wel wesen Datter minnen cracht es groot Hi es herde na der doot 70.[regelnummer] Die niet en mach ghenesen Die sinne es hoge geresen Die ontfaen hevet der minnen cracht So dat hi inder minnen cracht Sine vonnesse sal lesen. [tekstkritische noot]3. tide. - 7. minnen. - 11. minnen. [tekstkritische noot]13. starcste doot. - 18. edele minne. - 23. niemen. - 27. Want en sal. [tekstkritische noot]46. wege cont. - 51. minnen scolen. - 56. Die. - 57. Si maectene alle. - 64. aflaet. - 65. gelove. [tekstkritische noot]68. es soe groet. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij
Die sinne es hoge geresen