Werken. Deel 1: Gedichten

(1875)– Hadewijch– rechtenstatus




[pagina 102]
Ga naar tekstkritische notentekstkritische noten
XXVII. Men mach biden corten daghen Merken dies somers keer Dat moghen voglen ende liede clagen Maer die minnen en es anders meer 5[regelnummer] Want hen es te clagene al el Dat men der minne es so fel Hare rike gheleer wert seer testoert Daer men bi soude gheheert Dat si gheclaget der hoochster trouwen 10.[regelnummer] Ende met minnen moetsi ons bescouwen. Ons es wel meneghe hoghe mare Van der minnen doen verstaen Datse overal gheweldech ware Ende al hevet ommevaen 15[regelnummer] Ende bedwinghet al dat levet Wie hevet minne dan diense hare ghevet.
[pagina 103]
Dien si iet gevet hi maecht ontfaen Doch selewij hare met sconen dienste sijn onderdaen Ende bidden der gheweldegher minnen 20.[regelnummer] Datse ons hare cracht doe bekinnen. Hets ene herde scone bede Te biddene om hogher minnen cracht Maer dien si ghevet minne na minne sede Si worptene in selke ene hacht 25[regelnummer] Dat hi ne mach meer ontgaen Die de minnen verwint hi wert selve verdaen Soe es hi gewacht Ende diense ghevet voeden vertertse al tsijn in nuwer iacht So leert hi ane minne cracht 30.[regelnummer] Vrede oudde ghewinnen Ende der minnen cost in ellende bekinnen Dat ellende kenne ic bi geraden Ende met pleghene niet Die minne met kinne hevet out verladen 35[regelnummer] Hoe lede hi hem besiet Dats hem cleine ende minne so groot Ende die ioie die hem ierst minne boot Ende die welde doe hi was een kint Die minne gevet den ionghen die niet en bekint 40.[regelnummer] Ende laet den edelen ouden dolen dellende Daer ionghe noch dorpere nie minne en kinde.
[pagina 104]
Ghi ionghe ghi hebt vele verloren Verliesdi uwe kintse ioget So levedi out minne in toren 45[regelnummer] Daer ghi nu ionc leven moghet Ende in weelden van minne vri Alse ic al minnen ende minne al mi Dat es nu al uwe doghet Derre weelden den vroeden ouden luttel hoghet 50.[regelnummer] Want si kinnen de corde van der minne iaren Waer men sal teren ende sparen. Hets enech dorpere cume so dwaes Hine weet wel wanneer hi sal Winnen sijn goet ocht verdoen sijn aes 55[regelnummer] Al hebbe wij dat ongeval Dat wij willen sijn alse een kint Al sonder cost in ioyen ghemint Dit es dat onse nu al Nu rume wij der minne sale int dal 60.[regelnummer] Bidde wi der minne datse ons gheleidde In hare wege ende in hare hoghe ghereide. Ic en scelde niet dat wi gherne nemen In der sueter minne spoet Die hare lief in minne te spaerne temen 65[regelnummer] Het en doet hem nemmer goet Ende dies moghe wi seker sijn Die hare lief dore minne die sijn fijn
[pagina 105]
Ende beide out ende vroet Op dat hen haeste noch licht coep wanc en doet 70.[regelnummer] So moghense seker wesen So dieper verdronken so hogher gheresen. Die werke doen de minne in scijn Die mint hi seget minne dat minne es dijn Dore di en wert meer gespaert sen noch moet 75[regelnummer] Cracht noch march no herten bloet Want in minne vonnesse es ghelesen Soe dieper ghewont soe sachter genesen.	[tekstkritische noot]2. des. - 3. vogelen. - 8. soude sijn. - 10. moete si. - 16. minnen. [tekstkritische noot]22. minne. - 23. Met dien.....minnen zede. - 24. Ende worptene. - 26. minne. - 29. minnen. - 30. oude. - 31. int ellende. - 38. doen hi. [tekstkritische noot]43. kintsche. - 46. minnen. - 47. alsic.- 50. minnen. - 55. hebbe wi. - 59. rumen. - 61. wegen. - 63. minnen. - 64. sparne. - 66. mogen wy. [tekstkritische noot]72. an schijn. - 73. dat mine.

Vorige Volgende

XXVII.