Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 98]
Ga naar tekstkritische notentekstkritische noten
XXVI. Al es verdroevet dach ende tijt Dies sij al god gebenedijt Men saelt zaen beter scouwen Lief dat ghi mi so verre sijt 5[regelnummer] Ende aen u staet al mijn delijt Dat sijn ghestaden rouwe Dats wel recht miere herten licht Daer ic bi soude leven Doelt na u al 10.[regelnummer] Siet wat ic sal Mi en es eentwent niet bleven. Ay wat soude milief dan al ghi Dat ic u niet en volhebbe dats mi Ende ghenoech niet ne mach volgeven 15[regelnummer] Gerechte minne fier ende vri Wat men u gave dat iet men si
[pagina 99]
Dat ware u groot sneven Want ghi wilt al minne Met herten ende met sinne 20.[regelnummer] Ende met gheheelre zielen Die wanen minnen Sonder beghinnen Dat warense ye die vielen. Die conincghinne van saba 25[regelnummer] Si volgede salemoene nae Dat was omme wijsheit sueken Alse sine vonden hadden ia So worden hare sine wondere ga Ende si affleerde in rueken 30.[regelnummer] Si gaf hem al Ende die gichten stal Wat so si hadde in binnen Beide herte ende sin Daer en bleef niet in 35[regelnummer] Het wert al verswolghen in minnen. Hets recht si hadde hem alle ghegeven Hadse yet vermert in vremden weghen Onder dat arme diede So ware hare dat hoge wonder ontbleven 40.[regelnummer] Nu wertse al in minne tewreven Dies derven noch vele liede Si nemen te vroech Al hare genoech
[pagina 100]
Onder de ghesellen 45[regelnummer] Dies sal men spade Der minnen dade Van hen te wondere tellen. Waer die hem ter vrier minnen reken Ende in den weghe niet en ghebreken 50.[regelnummer] Ende hen aen minnen al cleven Ende doghen haer ellendeghe treken Daer mach men wonders wonder af spreken Want sien alsoe up gheven Alse omme al dore varen 55[regelnummer] Sonder enech sparen Ochte minnen ghenoech geriven Om anxt ter doot Dat hen dat grote groet Van minnen soude ontbliven. 60.[regelnummer] Ay dus al verloren in minnen cracht Ja ende dan al vergouden der minnen pacht Alsoe men te rechte al soude Dats ene die alre scoenste hacht Ende ene onverwonne nuwe macht 65[regelnummer] Ende wel dat god al woude Want dat rechste volgheven van minnen Dat es dat ontbliven van binnen Want sine connen niet al volleesten Ende dat haer dat es saen verdaen 70.[regelnummer] Inder hogher minnen ontfaen Dus comense buten den gheesten.
[pagina 101]
Alse de gheweldeghe redenen der minnen op doet Ende sien toent hare grote goet Dat si es bi naturen 75[regelnummer] Ochte men haer genoech in minnen doet Dat si al dat vergelden moet Dat wect de creaturen Ende de doetse op staen Ende al omme vaen 80.[regelnummer] In herteleker weelden Ende gheloeft hen een rike Sonder enech ghelike In eweliken zeelden. Die dus verwinnen 85[regelnummer] In storme van minne Dat sijn gherechte heelde Ende die iet geroen Ende niet en voldoen Hets rechte dat mense scelde.	[tekstkritische noot]2. si. - 11. es twent.- 14. en mach. [tekstkritische noot]24. coninghinne. - 25. salomoene na. - 27. hadde. - 28. wonderen. - 36. al. - 40. minnen. [tekstkritische noot]53. Want si en also op. - 69. haere. - 71. geeste. [tekstkritische noot]72. redene. - 73. si en. - 75. gnoech. - 76. dat si dat al. - 80. herte seker. - 85. minnen. - 86. helde.

Vorige Volgende