Werken. Deel 1: Gedichten

(1875)– Hadewijch– rechtenstatus




[pagina 55]
Ga naar tekstkritische notentekstkritische noten
XV. Men mach den nuwen tijt Wel bekinnen overal Die voghele hebben delijt Die bloemen ontspringen in berch in dal 5[regelnummer] Waer soe si staen Si sijn ontgaen Den vreemden winter diese qual Ic ben ontdaen Mi en troeste saen 10.[regelnummer] De minne ieghen mijn ongheval. Nu hevet mijn ongheval Sine heervaert ghesticht op mi Het gadert overal Mine hoghe weghe die waren vri 15[regelnummer] Sijn sere beleget Mi es vrede ontseget
[pagina 56]
Merct ochte mi rouwe iet condech si Wordic gheweghet Daer minne gheseghet 20.[regelnummer] Ay edele minne dies danc ic di. Die minne die al verwint Hulpe mi dat ic moete verwinnen Ende si die allen noet bekint Onne mi dat ic moete bekinnen 25[regelnummer] Hoe swaer dat mi scaet Hadde ics raet Te ontbeidene dies ghebrukes van minnen Die wreede raet Die daer ieghen gaet 30.[regelnummer] Bedroeft de cracht van minen sinnen. Bi minnen mach ic al Verwinnen minen ellendeghen noet Ic weet wel dat ic sal Doch hebbic meneghen wederstoet 35[regelnummer] Die mi doet sterven Menechwerven Sint minne mi eerst van binnen scoet Ic wille alles derven Tote dat mi wilt erven 40.[regelnummer] De minne int rike dat si mi boet. In minen ionghen daghen Doe mi de minne eerst ieghen vacht Tone se mi grote gelaghen
[pagina 57]
Haer wise haer rike haer goede haer macht 45[regelnummer] Doe ic met haer ontghinc Ende ic ontfinc Al te gheldene der minnen pacht Gherne boven alle dinc Si mi een aen haer hinc 50.[regelnummer] Nu scijnt de storm wel sere ghesacht. Dus hevet mi minne verraden Met vele dat si mi hevet ghetoghet Met menegher soeter saden Daer nuwe ioghet bi wert ghesoghet 55.[regelnummer] Verweende ombite Met nuwen delite Daer ic al gherne bi hebbe ghedoghet Ic claghe ende verwite Met nuwen vlite 60.[regelnummer] Houtse op die mi hadde verhoghet. Ic weet wel dat de minne Levet al stervic aldus vele Want icse levende kinne Verdraghic wel algherne in spele 65[regelnummer] Mesval ende oetmoet Si arch si goet Ic ben diet gherne den vreemden hele Mijn hoghe moet Es dies wel vroet 70.[regelnummer] Dat minne met minne oersaten sele.
[pagina 58]
Ic hebbe der hogher minnen al Op ghegheven dat ic ben Verliese ic ochte winne si al Haer scout no meer no min 75[regelnummer] Wat es mi ghesciet In ben mine niet Si hevet verswolgen al minen sin Haer wesen fijn Doet seker sijn 80.[regelnummer] Dat pine van minnen es al ghewin. Ic bekins de minne wel wert Verliesic winnic dies al een Dat hebbic ie meest begeert Sint minne mijn herte eerst ghereen 85[regelnummer] Te sine hare ghenoech Na hare ghevoech Alse ye wel sceen Want ic verdroech Wat si mi sloech 90.[regelnummer] Doer haer waest mi dat rijcste leen. Die minnen ghenoech wilt leven Hine spare hem niet dat es mijn raet Hi sal met al hem gheven Int werc te levene der hoechster daet 95[regelnummer] Den minnenden verholen Den vreemden verscolen
[pagina 59]
Diet wesen van minnen niet en verstaet Dat soete dolen In der minnen scolen 100.[regelnummer] En weet hi niet diere niet en gaet. Hoe ic werde verquolen Dat minne mi hevet bevolen Dat blivet sonder verlaet.	[tekstkritische noot]12. hervaert. - 16. Mijn vrede es ontseget. [tekstkritische noot]19. - Die minne. - 23. alle noet. - 27. ghebrukens. - 36. menich werven. - 37 en 42. ierst. - 42. Doen. - 43. groot ghelaghe. [tekstkritische noot]53. zueter - 54. nuwer. - 57. alle. [tekstkritische noot]76. ic ben - 91. die der. - 92. dats.

Vorige Volgende

XV.