Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 51]
Ga naar tekstkritische notentekstkritische noten
XIV. Al es die tijt blide over al Ende al es groene berch ende dal Dat wert hem wel cleine in scine Die ter minnen hevet ongheval 5[regelnummer] Ic en weet wies hi verbliden sal Hem es alle blijscap pine Dat en es geen wonder Alse hi es sonder Sijns liefs na sijn begheren 10.[regelnummer] Ende hi niet en hevet Daer bi hi levet Waer op soude hi dan teren. Die op minne teret al sonder spoet Wat hi ghedoghet in orewoet 15[regelnummer] Dat mach allene bekinnen Die hem ter minnen verlaet al goet
[pagina 52]
Ende dan van haer blivet onghevoedt Hem es wel wee ter minnen Want hi berret swaer 20.[regelnummer] In hope ende in vaer Altoes met nuwen uren Want al sijn begheren Es voeden ende teren Ende ghebruken minnen naturen. 25[regelnummer] Die dus in hongher van minnen leven Ende noch ghebruken es ontbleven Ay wie mach hem gheloven Want si hem een ané minne al cleven Alse hem dan minne haer soude al gheven 30.[regelnummer] Soe werdet een beroven Ende soe roertse een vaer Ay amabar Waer salic arme henen Eert mi dus quam 35[regelnummer] Ay utinam Hadde si mi doch doet gherenen. Dat es een wee wel ombekint Het en wert van vreemden nie wel ghemint Ghenoechten eest te swaer 40.[regelnummer] Want si haer alle uren daertoe weent Dat si haer ane ghebruken bindet In vriheden sonder vaer Maer redene claer Hevet ommaer
[pagina 53]
45[regelnummer] Het dunket haer een keren Eer si op clemt Daer si vol vent Haer lief ter hoechster eren. Minne wilt al minne sine wilt niet beiden Si wilt alle uren in suetheit weiden 50.[regelnummer] In weelden na hare begherten Redene heetse merren na ghereiden Ende vriheit wiltse te hant gheleiden Daer se met lieve een werde Dus ghedane storme 55[regelnummer] Maken eyse in vorme Dats onbekint den vremden Die alre doet Voer minnen noet Te smakene nien gheteemden. 60.[regelnummer] Daer minne de ionghe met nuwen troest Soe wanen si dan al sijn verloest Soe sijnsi alse te hove Ende leven hem selven alre vroest Ende wanen hebben voldaen de ioest 65[regelnummer] In allen vollen love Alse hem dan haer redene wect Ende si hem dat werc ontect Dat si hebben te doene Met nuwen moede 70.[regelnummer] Werden si bloede Die teersten waren coene.
[pagina 54]
Ay minne die fine doghet Die alles es voghet Ende alle dine mach dwinghen 75[regelnummer] Si moete hare melden Ende si sal ons ghelden Sine sal ons niet ontdringen Die alle rouwen Ghesmaken met trouwen 80.[regelnummer] Si moghen wel blide singhen. Dats iement twifelt dats grote. scade Minne loent altoes al comt si spade Die hem te haer verlaten Ende volgen haren hoechsten rade 85[regelnummer] Ende bliven inden niet ghestade Si saelt met minnen oersaten.	[tekstkritische noot]2. es berch groene ende dal. [tekstkritische noot]19. zware. - 30. werdet dan. - 31. eenen. - 36. Hadsi mi doch gherenen doot. - 37. Dit es. - 40. went. - 41. an. - 42. waerheiden. [tekstkritische noot]49. zuetecheit. - 59. nie en - 71. tiersten. [tekstkritische noot]73. voeghet.

Vorige Volgende