Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 47]
Ga naar tekstkritische notentekstkritische noten
XIII. Ten blijsten tide van den iare Dat alle voghelen singhen clare Ende die nachtegale openbare Ons maket haer blijscap cont 5[regelnummer] Soe hevet de herte meest sware Die edele minne hevet ghewont. Hoe mach die edele sin gheduren Ja edelst alre creaturen Diet hoechste moet minnen bi naturen 10.[regelnummer] Ende dan sijn lief niet en hevet Alsene der minnen strale rueren Soe gruwelt hem dat hi levet. In allen tide alse ruert die strale Meeret hi die wonde ende bringhet quale 15[regelnummer] Alle die minnen kinnent wale Dat emmer deen moet sijn Suetecheit ochte smerte ochte beide te mal In dreft voer minnen aenscijn.
[pagina 48]
Hoe mach hem gruwelen dan die minnen 20.[regelnummer] Ende hem dus in minne verloren kinnen Si sijn verwonnen dat si verwinnen Dat onverwonne groet Dat hem alle uren doet beghinnen Dat leven in nuwer doet. 25[regelnummer] Hierne mach hare minne dan niet gheweren Men moet haer rike hare cracht verteren Hoese ooc te nieute in minnen vervaren Dats den vremden oncont Soe si de zale hogher begaren 30.[regelnummer] Soe dieper wielt de gront. In recht van minnen es op gedregen Die den slach sleet. wert selve ghesleghen Dat lichte wert even swaer geweghen De cracht wert eerst verwonnen 35[regelnummer] Dat rike comt ons haer selve ieghen Voer alle die minnen connen. Maer diere es lettel diere om al minne al minnen Ende noch men die minne met minnen versinnen Dies selense alte spade ghewinnen 40.[regelnummer] Dat rike ende dien hoghen raet Ende dat kinnesse dat minne doet kinnen Dien die haer ter scolen gaet.
[pagina 49]
Hets iammer groet dat wi dus dolen Enae ons die hoghe wise blivet verholen 45[regelnummer] Die minne den meesteren hevet bevolen Die lesen in minnen fijn Die hoechste lesse in der minnen scolen Dats hoe men minne ghenoech mach sijn. Maer die wel te voren termineren 50.[regelnummer] Al eest dat si dan jubileren Ende met feesteerne salveren Haer lief in corter stont Op dat si met doghene concorderen Hem wert de scole wel cont. 55[regelnummer] Maer die hier met lieve willen juweren Ende met ghevoelne dan balleren Ende met ghenoechte daer in basieren Ic segghem wel te voren Sie moeten hem wel met doechden cieren 60.[regelnummer] Ochte daer es de scole verloren. Maer die met waerheiden in minnen dichten Ende met claerre redenen dan verlichten Daer sal de minne haer scole in stichten Die selen meestere wesen 65[regelnummer] Ende ontfaen der minnen hoechste ghichten Die wonden sonder ghenesen. Die minne dus ghicht met haren wonden Ende toent die wijtheit hare conden
[pagina 50]
Die niet houtse open ende onghebonden 70.[regelnummer] Daerse minne met storme dore siet Al gruwelt hem dan den onghesonden Dat en darf ons wonderen niet. Die minne met allen dus hevet doerwaden Met diepen hongere met vollen saden 75[regelnummer] Hem en mach dorren noch bloyen scaden Noch hulpen tijt en geen Int diepste ghewat ten hoechsten graden Blivet haer wesen in een.	[tekstkritische noot]2. vogele. - 13. de strale. [tekstkritische noot]27. ooc in minnen te nieute. - 29. hoogere. - 37. die om. [tekstkritische noot]55. jubileren. - 58. segghe hem. - 68. harre. [tekstkritische noot]69. niedt. - 74. hongere. - 75. no bloyen.

Vorige Volgende