Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

Regelnummers proza verbergen

5[28] hoe dat een vrouwe die in arbeit ginc van / kinde verloest was met lutgarden gurdele^aas)

⁺ Een edel urouwe daer ic af vinde
dat si in arbeid ginc van kinde
swarlec ende sorchhelec oec daer mede..
Nv^aat) hoert wat men der urouwen dede
men haelde enen gurdel ter vaert
⁺ van perts hare dat sinte lutgaert
die heilege maeght dat heilege wijf
the dragene plach aend bloete lijf
daer si haren lichame mede
castide ende oec pine dede..
⁺ Dat gurdel leide die sieke urouwe
op haren licham om hoep ende trouwe
die si hadde ter werder lutgaert
ende wart daer met verloest teruaert
ende baerde een kint met urouden^aau) sonder
⁺ eneghe pine dat was groet wonder..
Dat si dit dede ende des ghelijc
dicwijl aen arme ende aen rijc //
⁺ dat es geprueft genoegh ende sere..
Nu si geloeft de hemelsche here
⁺ di wonder met sinen heilegen werct
daer hijt gheloeue sere met sterct
daer toe had hi dees maeght vercoren
ther gůeder tijt was si gheboren
want si met gode jn hemelrike
⁺ sal leuen ende leeft euwelike....
Dees maeght die god sus vtuercoes
si moete voer ons bidden altoes
dat ons god ter noet bi sta ..
Amen dicant nvnc omnia....^aav)

aas) 102 r^o in de bovenmarge quomodo cingulo, hand C, met loodstift

+ 935

aat) v verbeterd uit u

+ 940

+ 945

aau) et urouden op rasuur

+ 950

+ 102 v^o

+ 955

+ 960

aav) onder aan de bladzijde de vader, hand B