Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

Regelnummers proza verbergen

[7] hoe dat si dies vierdes iaer voer har doed / voerseide 10van den tarteren.

Dies uierde iaers rechs uoer har doed
so deden de tarteren groten noet
hungarien ende dar toe vel landen
⁺ die si vingen doedden ende banden
ende deeden hen beide scande ende scade
ende deden hen een geen genade //
⁺ ende vůeren voerwert met mechteger hant
so dat si quamen in dietsche lant
⁺ ende hadden dlant van beem bestaen
ende dies en groet deel onder gedaen
so dat veel lande sere vrochten
ende helpe ende raet daer schegen sochten
Doen quam een predekere hied bruder bernart
⁺ ende bat sere der werder^xw) lutgart
dat si bade^xx) der macht ons heren
dat hi de tarteren van hen woud keren.
En es nyet irstwerf sprac si goed man
nv, dat ic te^xy) biddene began
⁺ voer desen orber dar gi mi uore
bid, ic ben dies seker ter core
ende wil uoer waer dat segghen v
datte tartaren nyen selen^xz) nv
jn dit lant hier uorwert comen
⁺ Si mocht wel segghen want sijt vernomen
hadde van gode den hemelschen here
die se minde ende werdeghde sere.

+ 190

+ 85 r^o

+ 195

+ 200

xw) werderd waarin laatste d uitgekrabd

xx) d verbeterd uit t

xy) t verbeterd uit?

+ 205

xz) tweede e verbeterd uit t

+ 210