Logo DBNL
Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek (1987)

Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

(1987)–Maurits Gysseling, W. Pijnenburg–rechtenstatus Auteursrechtelijk beschermd

Vorige Volgende

[5] Hoe dat een cardinael die iacob hied / te rome was 5doed die haer oppenbarde / opten vierden dach daer na dat hi starf //

 
++ Dies selues tijts ochte daer bi
 
des auonts philippi et iacobi
 
geuielt so dat te rome verscied
10
een cardinael die iacob hied
 
dar ic hier bouen af dede gewach
 
+ ende daer na opten vierden dach
 
sach si daer si was in brabant
 
dat sijn ziele alte hant
15
opt selue vre blidelike
 
wart gevuert in hemelrike
 
+ dat sach si dar si wart gestelike
 
verhauen selue toet hemelrike
 
al sijn sach seid si o vader groet
20
ic en wist nyet dat gi waerd doed
 
wanneer starf di dat seght nv mi.
 
+ Ets heden de vierde dach sprac hi
 
drie nachte ende twe daghe saen
 
so heb ic in dat veghuier gestaen
25
doen sprac lutgard ter seluer stont
 
waer omxq) en makedi mi nyet cont
 
+ op di vre doen ghi waert doed
 
vader dat ic v in der noet
 
met minen sustren had bi gestaen //
30
+ doen andwerdde hi haer weder saen
 
god sprac hi en woude nyet
 
+ dat gi van mire pinen yet
 
word bedrueft maer als ic were
 
verloest woud hi dat ic queme here
35
dat gi dar af ontfaen soud troest
 
ende bliscap dat ic weer verloest
 
+ gi selt mi volgen cortelinghe.
 
als sus waren gescied dees dinghe
 
so quam weder te har seluen lutgard
40
ende seid dit te haren sustren teruaert
 
met bliscap ende feesten sunderlinge
 
+ dit was de waerheit van den dinghe
 
als doen veel gůeder liede wale
 
getughden, nv hoert na ander tale

Vorige Volgende