Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

[32] Wie dat har ons vrouwe oppenbaerde in^ts) / te deum laudamus an dat vers Tu ad liberandum sussepturus

Dicwile so gheuyelt alsi
haer salme las de maghet vri
⁺ datte heileghegheest haer gaf
the uerstane den sin daer af
ende et gheuiel op enen nacht
dat si te deum laudamus had bracht
toet dien verse dat daer steet
⁺ dat tu ad liberandum aengeet
jn dat uers so oppenbaerde
de maeght maria, sinte lutgaerde
ende geliet haer blidelec toe
daer met verstont luthgardis doe
⁺ dat marien sunderleke
dat verseken were ontfanckeleke
daer men jnne ghedinct dat si
ontfinc gods sone maghet vri
daer om bat si haren vrienden
⁺ dat si marien getroulec dienden //
⁺ ende dat si nyet en stunden stijf
alsijt seiden, maer broecten har lijf
ende neyghden marien jnnechleke
dat weer har seker ontfenkeleke.
⁺ Jc bid v dat gi dat selue oec důet
daer sal v comen af al gůet

ts) in waarschijnlijk

+ 1445

+ 1450

+ 1455

+ 1460

+ 66 v^o

+ 1465