Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

[p. 58]

[20] Wie datte selue elyzabeth gegenst ward / doen sinte luthgard voer haer bat...

Uan deser seluer elyzabeth
sal ic vertellen op dat gijs nyen wed
een scone miracle wildise horen...
Also^sp) als ic seide te voren
⁺ elizabeth was so ongesont
dat si alle vren ende alle stont
moest eten bina dach ende nacht
noch tan gaft haer so cleyne cracht
dat si van crancheiden nyen const gestaen
⁺ op haer voete noch ghegaen
maer si moest ligghen gedaetschlec stille
op haer bedde te haern onwille //
⁺ Ende want wel wiste elyzabeth
dat grote cracht had lutgarden gebet
⁺ so bat si haer dat si gode bade
dat hi aen haer toende sijn genade
want si hadde dies gere groet
dat god haer geue uoer haer doet
dat si uan haren bedde moest staen
⁺ ende the haren conuente mocht gaen
doen bat uoer hare de gůede lutgart
ende god hi antwerd haer dees waert
O dochter van iherusalem
stant oppe van dinen bedde ende nem
⁺ ghesunde, want du hefs den nap
ghedronken van gods bolgescap.
Doen haer god dees antwerde gaf
ende de sake oec mede daer af
ende sijt den nonnen seide di
⁺ latijn consten, so mercten si
dat elyzabeth op soud^sq) staen
van den bedde der siecheit saen
jn enen gesonden^sr) gůede staet
dat had haer sinte lutgart begad.
⁺ ende si stont oppe ende voer wale //
⁺ ende was genesen altemale
ende diendde gode daer na nochtan
langhe, ende droegh de burdene van
der ordennen vromelec ende wale
⁺ hier af^ss) laet ic nv de tale

sp) A verbeterd uit a

+ 1055

+ 1060

+ 57 r^o

+ 1065

+ 1070

+ 1075

+ 1080

sq) soud op rasuur

sr) o verbeterd uit u?

+ 1085

+ 57 v^o

+ 1090

ss) a verbeterd uit t

[p. 59]

 

ende segghe van andren dingen voert

 

nv hoerd dan alle na mijn woert.