Der heeren Staten van Hollandt ende West-Vrieslandt godts-diensticheyt

Thomas Bilson
Bischop van Winton, vande gheduerighe regieringhe der Christelicker Kercke. Cap. 10.

Godt en heeft den Princen t'Sweert, t'zy in Civile, t'zy in Kerckelicke saken, niet daer toe gegeven, dat het soude gaen voor Recht ende oordeel, maer veel liever dat het achteraen volghen ende de selve dienen soude. Want het Sweert en is niet dan ghewelt ende

[p. V]

rasernye als t'oordeel wech is: maer dit daer by zijnde, ist Recht ende billickheyt. Ghy en cont niet te ghelijck den Magistraet het Sweert geven, ende t'oordeel in dusdanige saecken uwen Ouderlinghen bewaren. Want, in dier voughen, soude de Overheyt ghehouden zijn al goet te vinden wat soodanighe weerlicke Rechters souden hebben besloten: ende so en soude t'Sweert niet boven, maer onder haer zijn. Derhalven zijt ghy schuldich int bestieren ende reformeren vande handelingen der Predicanten, het ondersoeck, t'vonnissen, ende wtvoeren der Christelicker Overheyt, gheheel toe te staen, ende t'selve niet tusschen den Prince ende den Ouderling verdeylen.