Christus patiens

[fol. *viijr]

Iosephi Scaligeri

QVos gravida ingenijs aetas tulit ista poetas

Paucis nativo contigit ore loqui:

Larga quibus passim torrentia divite vena

Carmina non tacitae grandinis instar eunt:

Sed veteris genij frigent defecta calore,

Aut referunt aevi semina prava sui.

Sed quicunque tuos Groti divine libellos

Sola moraturos lumina docta leget,

Versiculos illos vel saecula prisca tulisse.

Saecula vel rursus prisca redijsse putet.