Briefwisseling van Hugo Grotius. Deel 17

4053A. 1639 april 5. Van C. Barlaeus.¹

Illustri et incomparabili viro domino Hugoni Grotio, regnorum Sueciae apud christianissimum regem legato, Caspar Barlaeus s[alutem] p[lurimam] d[icit].

1 Hs. Uppsala, UB, Erik Wallers autograf-samling 649F (Holland-Belgien), eigenh. oorspr. Beantw. d. no. 4066 (dl. X).

[p. 481]

Illustrissime Groti,

Misi non ita pridem tibi Mediceam hospitem² sive brevem narrationem pompae istius triumphalis et spectaculorum, quibus reginam matrem superiore anno excepit s[enatus] p[opulus]q[ue] Amstelodamensis. Misi autem sine literis. Causa est, quia in aedibus domini Wickefortii³ cum essem, prope erat, ut ad navem, quae Rhotomagum ibat, deportaretur cistula cum supellectile. Quare librum petii includi, cum alias terrestri itinere maiores sarcinulae aut fasciculi curari minus commode possint. Festinante nauta et extra domum meam ac musaeum positus literas libro addere per id tempus non potui. Eas per tabellarium submitto rogoque ut literarium istud munusculum oculis tuis et lectione indignum benigne accipias. Ludicra sunt et per ludum exhibita quae hic descripsimus. Tibi magis seria et gravia misisse debebam, sed ab his iam imparatus ea do quae iussu superiorum pro re nata exaravi.⁴

Tradita mihi est ante pauculos dies in formam epistolae complicata charta, quae laudes habet cuiusdam Nicolai Claudii Fabricii, Calasii et Petriscii domini. Inscriptio a manu tua est. Sed quid ista laudatione⁵ a me petatur nescio, cum aperta epistola nihil mihi scribat, nihil loquatur, nihil habeat praeter encomium istius viri, etiam de fama mihi ignoti. Si quid tamen coniicere licet, puto eo consilio haec missa, ut poematio aliquo tanti herois manes prosequar. At possum hoc officium, vel te indice, vir maxime, recusare, cum nec defuncto, nec amicorum eius cuiquam debeam. Satis sit Romae ab oratoribus laudatum. Quaesita illa nimis et emendicata videbitur laudatio, quae ab homine extero et longe ab Aquis Sextiis in Batavis posito proficiscetur. Et habet patria haec nostra viros magnos, quibus laudandis cum feret occasio malim vacare. Nec otium iam suppetit ista scribendi, cum e morbo convalescens fatigare mentem attentiore meditatione non ausim.

Collega meus clarissimus dominus Vossius cum familia omni per Dei gratiam rectissime valet et Excellentiam tuam ut et uxorem liberosque plurimum salvere iubet. Vale, vir summe, et nominis tui cultorem serium candidumque redama.

Amstelod[ami], ipsis Non[is] April[is] 1639.

2 Medicea hospes, sive Descriptio publicae gratulationis qua serenissimam augustissimamque reginam Mariam de Medicis excepit senatus populusque Amstelodamensis, Amsterdam 1638. Het bezoek van koningin-moeder Maria de' Medici aan Amsterdam had in de eerste week van september 1638 plaatsgevonden.

3 Joachim de Wicquefort (1596-1670), koopman en bankier te Amsterdam, in de jaren 1638-1639 diplomatiek agent van hertog Bernhard van Saksen-Weimar (C.M. Schulten, ‘Joachim de Wicquefort et Jean Tileman Stella. Fragment d'une correspondance (1639)’, in: Lias 1 (1974), pp. 129-155; Schutte, Repertorium II, p. 235).

4 Het Athenaeum Illustre, waaraan Barlaeus evenals zijn vriend Gerardus Joannes Vossius doceerde, viel onder het gezag van het Amsterdamse stadsbestuur.

5 Nicolas-Claude Fabri (1580 - † 24 juni 1637), heer van Callas en Peiresc, raadsheer in het parlement van Aix-en-Provence. Met deze ‘laudatio’ herinnerde Grotius Barlaeus aan een eerder via Gerardus Joannes Vossius overgebracht verzoek een lofdicht op Peiresc te schrijven (no. 3169 (dl. VIII)). Vermoedelijk moet de ‘laudatio’ geïdentificeerd worden als (een gedeelte van) Nicolai Claudii Fabricii Perescii senatoris Aquensis laudatio, habita in funebri concione academicorum Romanorum van Jean-Jacques Bouchard (Buccardus), Venetië 1638, ook, met epicedia van anderen, uitgegeven in Monumentum Romanum Nicolao Claudio Fabricio Perescio ... doctrinae virtutisque causa factum, Rome 1638.