Briefwisseling van Hugo Grotius. Deel 17

[p. 389]

2464. 1636 februari 7. Van Christina van Zweden.¹

... Caeterum non ignotum tibi est inducias nuper inter nos regnumque Sueciae ex una et regem regnumque Poloniae ac magnum ducatum Lithuaniae ex altera parte in viginti sex annos pactas esse² idque potissimum interventu operaque regis christianissimi. ... Nunc primum mittimus ad te literas fiduciae, clementer requirentes, ut visa commoditate iis extraditis nomine nostro suae Serenitati ob navatam eo tractatu operam decenter gratias agas.

1 No. 2464 (dl.VI). In de bijlage een brief van Christina van Zweden aan Lodewijk XIII, dd. 7 februari 1636: hs. Stockholm, RA, Gallica 8, Brev till legaten Hugo Grotius 1635-1638, copie.

2 Door bemiddeling van Frankrijk verlengden Zweden en koning Wladislas IV van Polen op 2/12 september 1635 te Stuhmsdorf het bestand van Altmark tot 1/11 juli 1661 (S. Goetze, Die Politik des schwedischen Reichskanzlers Axel Oxenstierna, p. 179-180).

Bijlage:

Christina van Zweden aan Lodewijk XIII, 7 Februari 1636

Nos Christina, etc., serenissimo potentissimoque principi, fratri, consanguineo, foederato et amico nostro charissimo, domino Ludovico XIII, Franciae et Navarrae regi christianissimo, salutem et prosperrimos rerum successus.

Serenissime ac potentissime princeps, frater, consanguinee et foederate charissime,

Iniunximus consiliario et legato nostro apud Serenitatem vestram ordinario, nobili et consultissimo nobis sincere fideli domino Hugoni Grotio, ut Serenitatem vestram nomine nostro salutaret, gratias ageret pro opera in componendis nostris cum rege regnoque Poloniae controversiis praestita et simul constantem affectum nostrum tum erga Serenitatem vestram tum res communes in Germania decenter contestaretur. Peramice itaque a Serenitate vestra requirimus, ut dicto domino Grotio ad se admisso non modo benevolas aures, sed et integram fidem eo nomine praestet atque in omnibus talem det declarationem qualem nobis de Serenitatis vestrae affectu animoque indubie pollicemur. Sumus erimusque Serenitati vestrae vicissim ad omnia constantis et sincerae amicitiae officia praestandum semper paratae.

Atque his eam divini numinis protectioni ex animo commendamus.

Dabantur e regia nostra Stocholmensi, die 28 Ianuarii stylo regni anno 1636.

In dorso staat in een onbekende hand: Copia literarum fiduciae pro domino Grotio, 1636.