Briefwisseling van Hugo Grotius. Deel 15

[p. 313]

6808. 1644 april 9. Aan H. Appelboom.¹

Clarissime domine,

Quo loco sint res nostrae in diversis mundi partibus,² tum ex literis Claritatis vestrae datis XXVIII Martii, tum aliis paria significantibus cognovi. Magnae ubique res in partu sunt, sed praecipue intentos omnium animos habet exspectatio de Fionia Zelandiaque. Batavi sperant frui se posse Suedorum Danorumque discordiis. Gallia incrementa Suedica prospicit non aequis oculis.

Vicecomes Turenae in comitatu est Burgundico. Dux Aurelianensis in Picardia habiturum se intra hunc mensem aut ineunte Maio sperat viginti quatuor peditum, septem equitum millia. Dux Anguianus in Campania erit cum iusto et ipse exercitu; minores exercitus huc illuc trahent, ut res ferat, alterum Villaregius, alterum Gassio. Classis etiam mittitur in mare ad Catalaniam.³ Princeps Thomas aliquid sperat efficere se posse in agro Mediolanensi, ubi multa loca ob pecuniae defectum minus sunt munita ac custodita. Inter Romam et contra foederatos redardescit bellum. Uberlinga aegre se sustentat. Regis Angliae res retro labi videntur.

Deus, clarissime domine, Claritudini vestrae res det prosperas,

Claritati vestrae studiosissimus,
H. Grotius.

1 Hs. Dresden, Sächs. Landesbibl., C 61 A, 39. Eigenh. oorspr. Gedrukt Epist., p. 725 no. 1657. Antw. op no. 6786, beantw. d. no. 6818.

2 Onderstaande berichten komen ook voor in Grotius' nieuwsbrieven dd. 9 april 1644.

3 Het bevel over de Franse vloot in de Middellandse zee werd ook dit jaar toevertrouwd aan admiraal Jean-Armand de Maillé (1619-1646), markies van Brezé, hertog van Fronsac.

IX Aprilis 1644.

Adres: A monsieur/monsieur Appelboom, Suedois, à Amsterdam. Port.

Adres (volgens de uitgave der Epist): D. Appelboom.