Briefwisseling van Hugo Grotius. Deel 13

5993. 1642 december 12. Aan C. Cassius.¹

Vir reverende,

Cognovi ex binis Amplitudinis tuae literis et relatu domini Lutzovii,² cuius consuetudinem magni facio non tantum quia commendatur mihi ab adeo mei amante, verum etiam quia ipse id meretur, adversa tuae Amplitudinis et prospera. Non leve est vulnus viduum se simul et orbum conspicere, et viduitas quidem eo gravior quo felicius matrimonium fuit.³ Sed agnoscenda est in his casibus Dei cura, qui sic nos a terrenis et caducis ad caelestia et aeterna praeparat. Adferre etiam solatii aliquid possunt occupationes splendidae, principis favor et studiorum omne genus, maxime vero illud quod circum sacras literas versatur. Quibus et ego impendo tempus omne quod mihi relinquit legatio, eo proposito ut simul et paci et veritati serviam, quorum neutrum saeculo adeo immerso factionibus fieri potest sine offensis, quod et satis provideram, sed non ea tanti sunt ut propterea coepto desistam.

Post duas de Antichristo diatribas⁴ scripsi et tres libellos alios⁵ ad monstrandas vias per quas ecclesia Christi et a vitiis maximis purgari et simul in eam veritatem quae Deo placet restitui possit. Hi quoque libri non unum in me excitarunt crabronem. Me tamen facti non paenitet. Eduntur nunc Annotata nostra ad Testamentum Vetus, etiam ad ea quae adiungi Veteri Testamento solent.⁶ Dum in iis laborat prelum, absolvi scriptionem Annotatorum ad

1 Tekst naar Epist., p. 711 no. 1582. Copie te Rotterdam, GB, RK, hs. 674, f. 42^v. Antw. op no. 5807 en een niet teruggevonden brief.

2 De Mecklenburgse edelman von Lützaw (Lutzaw). In 1638-1639 behartigde een naamgenoot van deze jongeman in Parijs de belangen van de avontuurlijke legerleider hertog Bernhard van Saksen-Weimar; vgl. nos. 3498 en 3768 (dl. IX).

3 In 1641 verloor Christian Cassius zijn vrouw. Tegelijkertijd ontvielen hem twee kinderen.

4 De Commentatio ... de Antichristo (1640) en de Appendix ... de Antichristo (1641); zie BG nos. 1100-1103 en 1128-1129.

5 De Annotata ad Consultationem Cassandri in de Via ad pacem ecclesiasticam (1641-1642), de Animadversiones in animadversiones Andreae Riveti (1642) en het Votum pro pace ecclesiastica (1642); zie BG nos. 1165-1168, BG nos. 1175-1176 en BG nos. 1183-1184.

6 De Annotata ad Vetus Testamentum werden in 1644 uitgebracht (BG no. 1137).

[p. 563]

Actus et Epistolas Apostolicas.⁷ Dabo etiam operam ut alia nostra ad posteros eant: reliquiae poematum,⁸ ampliores ad Lucanum notae,⁹ Anthologia tota Latinis versibus, antiquitates Gothicae, historia Batavica.¹⁰

Rogo Amplitudinem tuam ut me precibus suis iuvet et contra sinistros interpretes amici veteris ac fidi famam tueatur,

Amplitudinis tuae studiosissimus,
H. Grotius.

7 In de reeks van bijbelaantekeningen verschenen posthuum de delen met de Annotationes in Novum Testamentum (II en III); zie BG nos. 1138 en 1141.

8 Een door de auteur bijgewerkte en vermeerderde herdruk van de poemata 1616/7 (BG no. 1) kwam niet tot stand.

9 Binnenkort was een uitgave van Grotius' nieuwe aantekeningen bij Lucanus te verwachten (BG nos. 430 en 431).

10 Minder voorspoedig verliep de publicatie van de Anthologia Graeca (BG no. 534), de Historia Gotthorum, Vandalorum et Langobardorum (BG no. 735) en de Annales et historiae de rebus Belgicis (BG no. 741).

Lutetiae, 12 Decembris 1642.

Adres (volgens de uitgave der Epist.): D. Cassio.

In de marge van de copie te Rotterdam: C. Cassio.