Briefwisseling van Hugo Grotius. Deel 13

5932. 1642 oktober 24. Aan A. Oxenstierna.¹

Excellentissime et illustrissime domine,

Rex Versaliae est, venturus² ut creditur ad Sancti Germani, cardinalis autem Riceliacus in hac urbe, regens cuncta ex lectulo administris Mazarino, Noyerio, Chaviniaco.³ Motta Odincurtius Hispanos cecidit venientes ad obsidendam Leridam, qui fuisse dicuntur prope XVIII millia. De iis caesos aiunt MD, captos sexcentos, item machinas et impedimenta. Hispanica classis ad Alfaquas se recepisse dicitur.

Longevillanus dux Tortonam cepit; id oppidum a Casali non longe abest. Parmensis in terris Ethrusci ducis, ab ipso duce, Venetis et Mutinensi non obscure adiutus, auget vires ut sua repetat. Nec quiescit papa, sed misso ad Castrum tuendum cardinali Antonio cum machinis, et aliis machinis ad Reate et Orvietum, parat exercitum ingentem et ut Hispanum sibi faventem habeat, deliberat de remittendo domum Lamegae episcopo. Hispanus vero Mediolani super sex millia qui eo recens ab Helvetiis venere, delectus facit novos, ut relictis ad urbis eius oppidorumque custodiam sex millibus, quod reliquum erit producat contra Gallos.

1 Tekst naar copieboek Dresden, Sächs. Landesbibl., C 61, 107; gedrukt in Oxenst. Skrifter 2. afd., IV, p. 237 no. 451. Afschrift ook in copieboek Leipzig, UB, ms. 2633, f. 209.

2 Onderstaande berichten komen ook voor in Grotius' nieuwsbrief aan Nicolaes van Reigersberch dd. 24 oktober 1642 (no. 5931).

3 Kardinaal Jules Mazarin en de staatssecretarissen Léon le Bouthillier, graaf van Chavigny, en François Sublet, seigneur de Noyers. Zonder hun hulp zou de zieke Richelieu de greep op de gebeurtenissen hebben verloren.

[p. 490]

Dux Carolus in sua rediit. Halerius inter Marsale et Pontemousonum copias habet, quid coepturus incertum. Beckius in Lucemburgicum rediit. Melos Castellum in Cameracesio a Gallis recepit. Harcurtius metuens ne is ultra irrumpat ad Guisam se tenet. Dux Bulionius nunc Rousiaci est, sed dicitur in Turenam venturus cum uxore.

Rex praetorianos suos tum Gallos tum Helvetios, magnam partem in Ruscinonensem tractum remisit. Imperator dicitur propellere Germanos ad conventum Ratisbonensem, ut inde pecunias quaerat, quas Hispania ei amplius suppeditare non potest.

Deus, excellentissime et illustrissime domine, det Sublimitati tuae res felices,

Sublimitatis tuae devotissimus cultor,
H. Grotius.

Lutetiae, XIV/XXIV Octobris 1642.

Naves Germanorum a Portugallis captae sunt ad octodecim. Castellum in Cameracesio non est, ut hic dicebatur, captum ab Hispanis, sed a Gallis dirutum. Gillo Hasius se duci Carolo iungit; Mercius baroni Seio contra Connigsmarchium. Post Tortonam et Seravallam cepit dux Longovillanus.

Bovenaan de brief in de copie te Leipzig: Argumentum. Cardinalis subministri. Hispanorum clades. Papae contra Parmensem consilia. Belgica.