Briefwisseling van Hugo Grotius. Deel 13

[p. 219]

5713. 1642 mei 10. Aan W. de Groot.¹

Mi frater,

Forte ex usu fuisset percurri a me librum Laurentii,² priusquam absolvatur editio adversus Rivetum.³ Puto enim epistolium aliquod addendum pro mantissa. Libros de Iure belli ac pacis avide exspecto.⁴ Rogo de privatis chartis⁵ agas cum senatore Reigersbergio. Et quando Veldius iam in vestrum ordinem transiit,⁶ forte id quod desidero officium mihi non negaturus est Abrahamus Antonii.⁷ Utile erit non modo ad alia, verum etiam ut pro responso sit Jacobo Laurentii in iis, quae me privatim tangunt.

Filiae meae valetudo meliuscula est. De filiis utinam videam quae volo. Scire cupiam an in vestra loca venerit editio Confessionum Tridentinae et Augustanae cum Cassandri Consultatione et meis ad eam Annotatis meisque versibus de Baptismo et Eucharistia et Diatriba de Pelagianis dogmatis.⁸ Miror me nihil intelligere de Lucano.⁹ Quid ergo fiet de poematis, quid de Anthologia?¹⁰ Si de prima pergat morari Blavius, optimum factu erit alia ad me remittere.

Bassaea perit Gallis.¹¹ Perpiniani fames operitur, sed ingens ibi est Hispanorum exercitus et classis a Gadibus magna ad eam oram venit et rex ipse Hispaniae in vicinam Arragoniam. Mediolani paratur exercitus ad obsidendum, ut dicitur, Casale. Harcurtius et Guichius exspectant, ut princeps Arausionensis se moveat, et ipsi deinde aliquid aggressuri.

Saluta, quaeso, matrem, uxorem tuam cum liberis, amicis, imprimis dominum Utenbogardum,¹² felicem quod prole careat,

tibi obligatissimus frater,
H. Grotius.

1 Gedrukt Epist., p. 936 App. no. 599. Antw. op no. 5699, beantw. d. no. 5724.

2 Hugo Grotius papizans van de Amsterdamse predikant Jacob Laurentius.

3 Grotius' Animadversiones op de Animadversiones van André Rivet (BG no. 1175).

4 BG no. 571; de uitgave was al begin maart bij Blaeu verschenen.

5 De uitgave van de Autentycque stucken, raeckende de saecke van den heer Hugo de Groot ... (BG no. 889).

6 Willem Cornelisz. van Velden had op 6 maart 1642 toelating tot de advocatuur ontvangen.

7 De Amsterdamse koopman van remonstrantsen huize Abraham Anthonisz. Recht (1588-1664) (S.A.C. Dudok van Heel, in Amstelodamum, maandbl. 65(1978), p. 81-88).

8 De zojuist gereedgekomen Parijse editie van Grotius' Via ad pacem ecclesiasticam (BG no. 1166).

9 De nieuwe aantekeningen bij Lucanus verschenen een jaar later (BG nos. 430 en 431).

10 De uitgave van deze werken liet op zich wachten; vgl. BG nos. 1 en 534.

11 Deze berichten komen ook voor in Grotius' nieuwsbrieven van 10 mei.

12 Johannes Wtenbogaert was te bejaard om nog brieven met Grotius te wisselen.

10 Maii 1642.