Briefwisseling van Hugo Grotius. Deel 11

4847. 1640 september 22. Aan A. Oxenstierna¹.

Excellentissime atque illustrissime domine,

Missus est Mazarinus² Taurinos ad constituendam, ut creditur, in Italia pacem aut perpetuam aut temporariam.

Recruduere pontificis cum Gallis controversiae lictore quodam e legati domesticis occiso³ et cum Hispanis, quod eorum opera quidam e carcere sint liberati itemque ob onera imposita ecclesiasticis per regnum Neapolitanum. Habet et controversias cum Ethrusco⁴, Lucensibus, Parmensi⁵, in summa cum omnibus Italiae principibus.

Captas a Brezaeo⁶ aut demersas naves quasdam Hispanorum etiam a Madritio literae nuntiant.

1 Gedrukt Epist., p. 645; Oxenst. Skrifter 2. afd. IV, p. 74.

2 Mazarin was op 22 september te Chambéry en op 29 september in Turijn.

3 Een van de knechten van de Franse ambassadeur in Rome, François Annibal d'Estrées, markies van Coeuvres, was tijdens een ruzie op 30 augustus gedood; vgl. Blet (ed.), Corresp. Scotii, p. 370.

4 Ferdinando II de' Medici, groothertog van Toscane.

5 Odoardo Farnese, hertog van Parma.

6 Jean Armand de Maillé, hertog van Brezé.

[p. 528]

Tubadelius⁷ apud cardinalem fuit; mittitur per Batavos ad Longavillanum⁸, ut omnibus, quae Bernhardi ducis Vinariensis⁹ fuere, copiis praesit. Ita directores¹⁰ qui dicebantur, pecuniis acceptis, quod habuere, imperium amittent. Erlachius tamen ire dicitur cum DCC peditibus, equitibus sexcentis, ut Hohentvilae subveniat circumsessae a Ladronio¹¹, cum interim Crucenacenses praesidiarii Magontiacensium fines incursent. Ceteris Germaniae narrandis abstineo, quod jam propiores sint Batavis quam nobis exercitus.

Regina¹² incipit sentire partum appropinquantem.

Dicitur exercitus cardinalis Hispani fugis deminutus ad XV millia; sexaginta hostium a Gassione¹³ caesi.

Deus, Excellentissime et illustrissime domine, diu Sublimitatem tuam sospitet.

Sublimitatis tuae cultor devotissimus
H. Grotius.

7 Georg Christoph von Taupadel, generaal-majoor in het leger van wijlen Bernhard van Saksen-Weimar. Grotius had dit al op 8 september bericht; vgl. no. 4824.

8 Henri d'Orléans, hertog van Longueville.

9 Bernhard, hertog van Saksen-Weimar († 18 juli 1639).

10 Johann Ludwig von Erlach, Wilhelm Otto von Nassau-Siegen, Johann Bernhard von Oehm en Rheinhold von Rosen.

11 Hieronymus, graaf Lodron, kolonel in keizerlijke dienst.

12 Anna van Oostenrijk. Philippe, hertog van Anjou, later hertog van Orléans, was op 21 september geboren.

13 Jean Gassion.

Lutetiae, 22 Septembris 1640.

Audimus Catalanos desperatis e Gallia auxiliis iterum regi Hispaniae conciliatos cumque Hispanis aliis venire in Languedociam; esse eos XX peditum millia, tria equitum, cum machinis XL; adesse naves longas itidem XL.

Regina filium alterum hac peperit nocte.

Princeps Thomas¹⁴, dum de pace aut indutiis agitur, ingenti numero erupit ex urbe Taurinorum et munimenta quaedam Gallorum tenuit, sed repulsus est.

Pugna illa Gassionis non longe a Bethuna evenit.

14 Tommaso Francesco van Savoye.

Adres: Axelio Oxenstiernae, sacrae reg. Maj. regnorumque Sueciae senatori et cancellario.