Briefwisseling van Hugo Grotius. Deel 11

4824. 1640 september 8. Aan A. Oxenstierna¹.

Excellentissime atque illustrissime domine,

De urbe Taurinorum nihil certi quod dicam habeo. Nam rumor hic sparsus discessisse ex locis in quibus erat Leganesium² fidem apud plerosque non invenit.

Rex ad S. Germani fanum exspectatur. Petam aditum, ut et ei gratuler de capta Atrebatum urbe³ et libertatem D. Hornii⁴, quod saepe feci, rursus ei commendem. Cardinalis circa Ambianos manet. Arcis structura videtur in annum sequentem differri. Interim oppidanorum quisque ternos domi alit milites, quorum semper bini haerent in aedibus et omnia observant. Ea causa est, cur discedant multi oppidanorum. Idem fecere et jesuitae et monachi.

Princeps Palatinus⁵ etiam nunc a rege retinetur nondum paratis, quae ei danda sunt, muneribus.

Inter Anglos et Scotos recalescit bellum.

Valde sollicita est Gallia de foedere cum Suedia⁶; pro certo habeo, si ex usu est Suediae id renovari, conditiones meliores quam antehac posse obtineri, inter quas spero etiam dignitatis regni, quae non obscure neque per ambages hic laeditur, rationem iri habitum.

Creutznacum obsidetur a Glenio⁷. Metus est et pro Hagenovia et Hohentvila. Novi ab Austria milites ad Rhenum veniunt. Hispani et Constantiae praesidium habent et loca circumsita invadunt. De victoria quadam D. Bannerii⁸ fama est, sed parum adhuc liquida.

Deus, Excellentissime et illustrissime domine, consulta Sublimitatis tuae fortunet Suediamque praestet domi quietam, foris felicem idque bono orbis christiani.

Tuae Sublimitatis cultor devotissimus
H. Grotius.

1 Gedrukt Epist., p. 643; Oxenst. Skrifter 2. afd. IV, p. 71.

2 Diego Mexía Felípez de Guzmán, markies van Leganés, Spaans goeverneur van Milaan. Op 17 september 1640 gaf Turijn zich over.

3 Op 10 augustus 1640.

4 De Zweedse veldmaarschalk Gustav Karlsson Horn; hij bevond zich sedert de slag bij Nördlingen (1634) in Beierse gevangenschap.

5 Karl Ludwig van de Palts.

6 Het verdrag van Wismar tussen Zweden en Frankrijk werd in juni 1641 verlengd; zie Du Mont, Corps Dipl. t. VI. I, p. 207vv.

7 Gottfried Huyn, graaf van Geleen, keizerlijk bevelhebber.

8 Johan Gustavsson Banér.

Lutetiae, 8 Septembris 1640.

Audio in castris Harcurtii⁹ aegrotantium esse novem millia; de pace ibi strenue agi.

Male nuper convenit inter Gallos et primores Vinariensium eaque praecipua fuit

9 Henri de Lorraine, graaf van Harcourt-Armagnac.

[p. 503]

causa, cur hic elector retineretur. Nunc transacta inter eos omnia et Tubatelus¹⁰ amice admodum exceptus a cardinali.

Archiepiscopus Burdegalensis¹¹ rediit ad oram Neapolitanam et Ferrandino¹² Hispanicam classem regenti proelium obtulit. Habet Ferrandinus XXXVIII naves longas, milites trecentos, Burdegalensis octodecim naves longas, sex alias. In Genuae portum recipiunt se, cum volunt utrique. Dicitur et classis altera Gallica sub Brezaeo¹³ ad Gades et Fanum Luciferi magna damna Hispanis intulisse, qua de re certiora exspectamus. Enriquius Hispanus¹⁴ duo millia secum habet circa Hohentvilam; cardinalis vero Hispani exercitus adhuc inter Insulas et Duacum manet.

10 Georg Christoph von Taupadel, generaal-majoor van de cavalerie in het leger van wijlen Bernhard van Saksen-Weimar. De uitgave der Epist. geeft ten onrechte ‘Tubedalius’.

11 Henri d'Escoubleau de Sourdis.

12 García de Toledo y Osorio, markies van Villafranca, hertog van Fernandina († 1649).

13 Jean Armand de Maillé, hertog van Brezé.

14 Fadrique Enríquez.