Briefwisseling van Hugo Grotius. Deel 11

[p. 524]

4844. 1640 september 22. Aan L. Camerarius¹.

Illustrissime domine,

Quod reponam literis Excellentiae vestrae datis 10 Septembris² nihil magnopere reperio. Ita sterilis rerum est hic autumnus.

Principem electorem³ spero jam brevi apud vos fore sanum ac vegetum, utinam et ejus rebus meliori loco se habentibus. Nunc, cum omnes aliorum pollicitationes ab Anglia pendeant, Anglia autem praeter bellum Scoticum domesticis quoque dissidiis distrahatur, quod speremus non multum apparet; bonis tamen votis non abstinendum est.

Canonas nuper in Anglia cusos latinos⁴ videre percupio. Nondum id contigit.

Quid futurum sit de federe inter Suedos et Gallos⁵, spero me aliquando percepturum ex illustrissimi domini Salvii⁶ literis.

De rebus Germanicis eadem prope audimus, quae apud vos nuntiantur; additur Erlachium⁷ ivisse cum peditibus octingentis, equitibus trecentis contra Ladronium⁸, qui Hohentwilam circumsidet. Eos autem milites, qui Crucenacum servant, multum et damni et terroris inferre Magontiacensibus.

Ut princeps elector Palatinus pro suorum aliquo commeatus literas imperatorem poscat, pertricosum negotium est et vix video, quomodo sine offensa abire possit. Hassica autem et Lunaeburgicus consulta Suedia Galliaque facere id possent et forte facient.

De Taurinorum urbe variae adhuc sunt conjecturae, sed missus eo a rege est Mazarinus⁹ haud dubie ad tentandas pactiones aliquas, cujus rei exspectandus eventus.

Reginam matrem Suediae¹⁰, etsi forte non plane ex votis suis habitam, terrere debuerat exemplum Gallicae matris¹¹, quae laris incerta huc illuc jactatur gravis ubique hospita, et nunc dicitur parata redire in Batavos, dum a filia alimenta habeat. Regina¹² interim hic regis uxor partum exspectat et tormina sentire incipit.

Galli Atrebatum urbis possessionem et advectiones necessarias castellis firmant. Hostium plus sexaginta his diebus in itinere deprehensos occiderunt.

De Hispanicis navibus a Bressaeo¹³ captis aut oppressis etiam a Madritio literae veniunt.

Pontifici crescunt controversiae. Nam et Gallica recruduit lictore quodam e domesticis Estraei¹⁴ interfecto et Hispanica liberatis e carcere quibusdam ope, ut dicitur, legati

1 Copie Uppsala, UB., cod. 388a, ep. 247. Gedrukt Epist., p. 646. Verschillen in orthografie en aperte onjuistheden in de copie Uppsala zijn niet gesignaleerd. Ludwig Camerarius was Zweeds gezant in Den Haag.

2 Camerarius' brieven aan Grotius van 1640 zijn verloren gegaan.

3 Karl Ludwig van de Palts.

4 Zie voor de 17 ‘canons’ van de synode van bisschoppen bv. Gardiner, Hist. England IX, p. 143vv.; Wedgwood, Great Rebellion I, p. 332v.

5 Het verdrag tussen Zweden en Frankrijk werd juni 1641 verlengd; zie Du Mont, Corps Dipl. t. VI. I, p. 207vv.

6 Johan Adler Salvius, Zweeds gezant te Hamburg.

7 Johann Ludwig von Erlach, goeverneur van Breisach en een van de directeuren van het leger van wijlen Bernhard van Saksen-Weimar.

8 Hieronymus, graaf Lodron, kolonel in keizerlijke dienst.

9 Mazarin was op 22 september in Chambéry en op 29 september in Turijn; vgl. Blet (ed.), Corresp. Scotti, p. 375.

10 Maria Eleonora van Brandenburg, weduwe van Gustav II Adolf.

11 Maria de' Medici.

12 Anna van Oostenrijk. Philippe, hertog van Anjou, later hertog van Orléans, werd 21 september geboren; zie in fine.

13 Jean Armand de Maillé, hertog van Brezé.

14 François Annibal d'Estrées, markies van Coeuvres. Een van zijn knechts was 30 augustus tijdens een ruzie gedood; vgl. Blet (ed.), Corresp. Scotti, p. 370.

[p. 525]

Hispanici¹⁵. Tum vero nec cum Venetis nec cum duce Ethruriae¹⁶ nec cum Parmensi¹⁷ nec cum Luca bene ei convenit. Hispanus vero Italiae principes satis aut amicos aut per metum obnoxios habet. Nam et Ethruscus et Luca ei appulsum transitumque concedunt idemque a Mutinensi¹⁸ et Parmensi se obtenturum sperat.

Catalani dicuntur denuo reconciliati regi Hispaniae venire cum aliis Hispanis in Languedociam XX millibus peditum, tribus equitum, XL¹⁹ machinis, navibus longis totidem. 15 mensis hujus princeps Thomas²⁰ ex urbe Taurinorum ingentem fecit irruptionem; munimenta quaedam Gallorum tenuit, sed expulsus rejectusque est.

Regina hac nocte alterum peperit filium.

Valetudinem Excellentiae vestrae secundam jucundamque Culemburgi moram ac felicem inde reditum toto animo precor, utpote

Excellentiae vestrae omni observantia
cultuque devinctus
H. Grotius.

15 Manuel de Moura y Corte Real, markies van Castel Rodrigo.

16 Ferdinando II de' Medici, groothertog van Toscane.

17 Odoardo Farnese, hertog van Parma.

18 Alfonso III d'Este (1591-1644), hertog van Modena.

19 De copie Uppsala geeft abusievelijk ‘X’.

20 Tommaso Francesco van Savoye.

Lutetiae, 22 Septembris 1640.

Adres: Ludovico Camerario, reginae regnique Sueciae consiliario et legato apud praepot. Ord. Foeder. Belgii.