Briefwisseling van Hugo Grotius. Deel 11

[p. 443]

4774. 1640 augustus 7. Van J.A. Salvius¹.

Illustrissime domine legate,

Dominus legatus d'Avaux² his diebus dedit mihi in solutum litteras Exc. vestrae ad me datas 4/14 Aprilis³, quibus E. vestra petit, ut ego sedecim millia imperialium thalerorum, quae vestra Exc. de subsidio verno huius anni decerpserat, eidem accepto feram. Quaeso E. vestra velit mihi verbalo significare, utrum illa 16^m recte in Gallia adhuc ceperit necne. Davauxius enim generalem a me serenissimae reginae nostrae⁴ quittanciam requirit pro integris 200^m thalerorum, cum tamen non ultra 184^m mihi hic solverit.

Faedus cum domo Lunaeburgica pepigi, cuius ratihabitio e Suecia expectatur⁵. Dominus Wolfius⁶ cum domina landgravia jam quoque faedus tractat⁷. Consensum quoque est a Suecia in prorogationem faederis Sueo-Gallici⁸; quaedam tamen hic inter me et dominum legatum Gallicum pro priorum faederum elucidatione prius meliusque dedolanda sunt, ad quae potestatem et mandata cepi.

Exercitus nostri ad Eschwegam, caesarei ad Vacham haerent velitationum praeludiis ad pugnam utrinque inclinantes. Deus nobis adsit potenti sua dextera.

Goltzius⁹ in Silesia Hirsbergam obsedit, cui Stalhanschius¹⁰ succursum parat. Copiae pedestres jam e Suecia Gryphiswaldium appulsae sunt, eques expectabatur.

Turca¹¹ pacem cum Polonia stabilitam denuo rupit irruptione acriori decreta.

Filius regis Daniae¹² hic in vicinia pro Hispano militem cogit sub favore patris, sed lento processu in hac militum inopia.

Legati Batavi¹³ Stocholmiae sunt. Si faedus cum Suecia successerit, putant se postea firmius cum Dania tractare posse de vectigalibus et piscatura Gronlandensi.

His valeat E. vestra et faveat

suo observantissimo amico et servitori
J.A. Salvio mp.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 10. Eigenh. oorspr. Johan Adler Salvius was Zweeds gezant te Hamburg. Antw. op no. 4603; tezamen met no. 4775 beantw. d. no. 4815.

2 Claude de Mesmes, graaf van Avaux, Frans gevolmachtigde in Hamburg.

3 No. 4603.

4 Christina van Zweden.

5 De ratificatie werd op de lange baan geschoven; vgl. Pufendorf, Comm. reb. Suec. XII, § 44-48.

6 Hermann Wolff, Zweeds gezant bij de landgravin-regentes van Hessen-Kassel, Amalie Elisabeth van Hanau-Münzenberg.

7 Een verdrag tussen Zweden en Hessen-Kassel kwam niet tot stand.

8 Het verdrag van Wismar werd in juni 1641 verlengd; zie Du Mont, Corps Dipl. t. VI. I, p. 207-209.

9 Christoffer Heinrich von der Goltz, commandant van Erfurt voor Zweden.

10 Torsten Stålhandske, Zweeds bevelhebber.

11 Ibrahim, sultan der Ottomanen.

12 Christian Ulrik Gyldenløve, natuurlijke zoon van Christiaan IV en Kirsten Madsdatter; hij sneuvelde oktober 1640 nabij Meinertzhagen in Westfalen.

13 Willem Boreel, Albert Sonck en Epo van Aylva.

Hamb., die 28 Jul. stil. loci A.^o 1640.

De libertate domini Hornii¹⁴ nihil adhuc certi habemus.

14 De Zweedse veldmaarschalk Gustav Karlsson Horn; hij bevond zich sedert de slag bij Nördlingen (1634) in Beierse gevangenschap.

Boven aan de brief schreef Grotius: Rec. 21 Aug.