Briefwisseling van Hugo Grotius. Deel 11

[p. 383]

4731. 1640 juli 9. Van Willem de Groot¹.

Frater optime,

Tandem ad manus meas pervenit fasciculus cum libris de Veritate religionis christianae² per Treselium³ missis, quibus sane egregium accessit Notarum auctuarium, quas ego omnibus christianae veritatis amantibus placituras confido. Ego sane meo amicorumque nomine maximas pro labore suscepto habeo gratias. Nimis enim me delectat ea, quae uberiore stilo in sacris litteris recitantur, etiam in ethnicorum lacunis legere, imprimis vero derivationes populorum et urbium ab iis nominibus, quae Moses nobis conservavit, et propagationem ejus ritus, qui primus a Deo Abrahamo fuit injunctus⁴, atque alia ejusmodi cognitu utilia. Exemplaria amicis, ut jussisti⁵, distribui; ubi ea legerint, judicia explorabo.

Uxor tua, dum Amstelodami fuit, Blavios⁶ est allocuta et ex iis intellexit missa jam ad te quae postulas exemplaria, quae recte perlatum iri confido.

Mater nostra valde cum catharris conflictatur, quibus accedit aliquando in lumbis dolor, quare non mirum, cum minimi sit nutrimenti, vires paulatim deficere.

In maxima hic fuimus expectatione successuum, quos arma principis⁷ sortitura essent, sed ut jam res nata est, nihil ille illic, ubi jam est loci, efficiet; omnes enim vias, quae in Flandriam tendunt, munimentis etiam antea septas praesidiis nunc suis insedere hostes ita, ut expugnatio propugnaculi Nassovici prope Hulstam haud multum commodi allatura videatur, nisi quod quidam additis operibus ita muniri posse putent, ut nostri id adversus impetum hostium in hostico tueri possint, quod distrahendis Hispanorum copiis opportunum creditur. Nuper nocturno praelio non parva clades utrimque accepta vulneratis comite Henrico gubernatore Frisiae⁸ aliisque, caesis centurionibus peditum equitumque circiter octo et captis aliquot cum non multis militibus, caesis vero militibus, qui minimum dicunt, quadringentis. Neque incruenta hosti fuit ea pugna, quod tu melius Antverpia intelliges.

Nunc manum de tabula tollam rogans, ut nos de Atrebati obsidione ejusque successu velis facere certiores.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Beantw. d. no. 4743.

2 Hvgo Grotivs De veritate religionis Christianae. Editio Nova, additis annotationibus in quibus testimonia. Parisiis, Sumptibus Seb. Cramoisy, Typographi Regij. MDCXL. Cvm privilegio regis. Ter Meulen-Diermanse no. 950. De voor de vrienden in het vaderland bestemde exemplaren waren onderweg blijven liggen; zie Grotius' brief van 5 maart, no. 4544 en n. 1.

3 Daniel Tresel, koopman te Rouaan.

4 Vgl. De veritate I, 16, p. 302-310 en 315-320; Ter Meulen-Diermanse no. 950 (= Opera omnia theol. IV, p. 21 en 23-24 annot. 62 en 68-74; Ter Meulen Diermanse no. 921).

5 No. 4544.

6 De Amsterdamse drukkers-uitgevers dr. Johan en Cornelis Blaeu.

7 Frederik Hendrik.

8 Hendrik Casimir I, graaf van Nassau-Dietz, stadhouder van Friesland, Groningen en Drenthe.

Raptim, Hagae IX Iulii 1640.

Adres: A monsieur, monsieur Grotius, ambassadeur de Suède. A Paris.

Boven aan de brief schreef Grotius: Rec. 18 Iulii.

En in dorso: 9 Iulii 1640. W. de Groot.