Briefwisseling van Hugo Grotius. Deel 10

4382. 1639 november 12. Aan G. Müller²⁰.

Nobilissime domine,

Memor et beneficiorum, quae a Nobilitate vestra accepi, et ipsius animi optime mihi volentis non potui sine magno dolore intelligere laesam ejus valetudinem, quam ut summus vitae Arbiter in melius restituat serio precor. Si commodiora intervalla nos distinguerent, accurrerem ad praestanda omnia, quae amicus amico potest officia; nunc cum id non liceat, supersunt ad Deum preces, quas spero fore

20 Gedrukt Epist., p. 579. Georg Müller was Zweedse hofraad en secretaris; hij was intussen overleden. Zie brief no. 4364 dd. 2 november van J.A. Salvius.

[p. 733]

non irritas. Magno etiam D. cancellario¹ opto, ut pedes capiti respondeant, id est valeant vigeantque.

Interpellavi saepe Sublimitatem ejus de necessitatibus meis; miror tanto tempore nihil me accepisse responsi. Si dum legatione adhuc fungor et regni interest, ut eam cum dignitate sustineam, tam misere trahor, quid exspectandum erit uxori liberisque meis si quid mihi humanitus evenerit? Quare et illustrissimi domini Salvii² et Nobilitatis vestrae opem imploro, ut his non incommodis tantum, sed in praesens anxietate, in futurum metu liberer; si tamen huic legationi videor idoneus, qua levari multo mihi sit satius quam pro cura ac labore malum pretium referre curas et labores alios. Cum vero D. Spiringius³ inimicitias prope capitales cum uxoris meae fratre D. Reigersbergio⁴ susceperit, non est, quod multum benignitatis sperem ab homine inimicitias quam amicitias latius extendente.

Galli assilire volentes Hispanica ad Salzam castra, ita nocturnis immensis imbribus partim interemti sunt partim disjecti, ut ad recolligendas copias tempore opus sit futurum. Interim promovet se hostis.

Vale, vir nobilissime, cum nobili uxore⁵ ac domo omni.

Nobilitatis Vestrae addictissimus
H. Grotius.

1 De Zweedse rijkskanselier Axel Oxenstierna.

2 Johan Adler Salvius, Zweeds gezant residerend te Hamburg.

3 Petter Spiring Silvercrona, raad van financiën van Zweden.

4 Nicolaes van Reigersberch, raadsheer in de Hoge Raad.

5 Sophia Sauler.

Lutetiae, 12 Novembris 1639.