Briefwisseling van Hugo Grotius. Deel 10

4365. 1639 november 5. Aan J. Camerarius¹.

Nobilissime domine,

Non repeto quae ad illustrissimum dominum legatum² scribo. Mitto enim Nobilitatis vestrae apertas literas, ut utrique serviant. Gratias autem ago Nobilitati vestrae pro liberali scriptione 17 Octobris³.

In Vinariensibus desiderabitis constantiam. Nam quae egerunt, multum absunt a D. Mulleri⁴ chartula.

Quae de D. Bannerio⁵ aliisque ducibus nostris nuntiantur, satis placent. Videtur rex Daniae⁶ id agere, ut res omnes Infrasaxonicas, ut quondam in bello, ita nunc in praeparanda pace sui faciat arbitrii praepotens in illis partibus trahensque secum filii⁷ clarum nomen et Holsaticam domum.

Regis Britanniae⁸ quae sit voluntas ad juvandam aut deserendam domum Palatinam, jam tempus est ut appareat. Ἰδοὺ ῥόδος ἰδοὺ πήδημα.

Schmalchius⁹ Amstelodami est. Creditur huc venturus.

Erfordiae aditus claudi ab hoste iterum audimus. Hohentwilum novam tormentis impetitur. Sed eruptionibus se tuetur.

Deus Nobilitatem vestram sospitet.

Nobilitatis vestrae studiosissimus
H. Grotius.

1 Gedrukt Epist., p. 576.

2 Ludwig Camerarius, Zweeds gezant in Den Haag, vader van Joachim.

3 Ontbreekt.

4 Georg Müller, Zweedse hofraad en secretaris. Hij was intussen overleden; zie no. 4364 van J.A. Salvius dd. 2 november.

5 De Zweedse veldmaarschalk Johan Gustavsson Banér.

6 Christiaan IV.

7 De latere Frederik III; zie no. 4071, p. 262 en n.6 aldaar.

8 Karel I.

9 Peter Abel Schmalz, secretaris van Axel Oxenstierna.

Lutetiae, 5 Novembris 1639.