Briefwisseling van Hugo Grotius. Deel 10

4337. 1639 oktober 15. Aan Christina van Zweden⁷.

Serenissima ac potentissima regina, domina clementissima,

Accepi binas Majestatis tuae literas datas 19⁸ et 22 Augusti⁹, alteras pro

7 Gedrukt Epist., p. 571. Antw. o.m. op no. 4277.

8 Ontbreekt.

9 No. 4277, dd. 23 augustus oude stijl.

[p. 670]

marescalli Hornii¹ libertate, alteras de exercitu qui sub imperio ducis Bernhardi Vinariensis² fuit. Cum vero rex³ hinc absit longius, quem Lugduni hic esse arbitramur, et ego de utroque negotio cum domino Bulionio⁴, qui non aerarium tantum, sed et praecipua negotiorum per regis absentiam hic curat, agere coepissem, existimavi etiam, ut impendiis non necessariis parcerem, literas, quae sunt ad regem apud me, manere posse, donec rex rediret.

Quod si ea mora nimis sit longa, videbo, quid sit optimum factu, daboque et in his et aliis rebus operam, ut intelligat Majestas tua mihi ad exsequenda, quae mihi mandantur neque fidem neque diligentiam deesse.

Deus et in his fautor adsit et perpetuo, Serenissima ac Potentissima Domina, Majestatem tuam tueatur, foveat, ornet.

Augustae Majestatis tuae obedientissimus devotissimusque
subditus
H. Grotius.

1 Gustav Karlsson Horn. Hij was in de slag bij Nördlingen in 1634 door de troepen van de keizer gevangengenomen.

2 Bernhard, hertog van Saksen-Weimar.

3 Lodewijk XIII.

4 Claude de Bullion, sieur de Bonelles, surintendant des finances.

Lutetiae, 5/15 Octobris 1639.