Briefwisseling van Hugo Grotius. Deel 10

4293. 1639 september 15. Van I. Jasky⁴.

Illustrissime et excellentissime domine, domine observandissime,

Decreta quorundam comitiorum particularium - quae comitia generalia

4 Hs. Utrecht, RA. Prov., Arch. Boetzelaer 556, 23. Eigenh. oorspr. Antw. op no. 4250; beantw. d. no. 4347. Israel Köhne, genaamd von Jasky, was een invloedrijk burger in zijn vaderstad Danzig.

[p. 598]

regni antecedere solent - negotio nostro teloneareo satis favorabilia, quorundam plane exitiosa sunt. Decretum nempe in quibusdam, ut rationes recepti hactenus telonei Pillaviensis examinentur, et videndum, an ex eo quid in commodum reipublicae versum sit, exauctorandos Spiringios¹ et alios probatae fidei in rempublicam teloneis praeficiendos. Nonnullorum vero conventuum conclusiones eo spectant admonendos esse Gedanenses voluntati regiae Maiestatis se componere, privilegia ipsorum discutienda et de iis - ut videbitur - statuendum. Quod scrupulosioribus nimis rigidum videtur.

Irruptionem Livoniensem plerique conventus summopere improbarunt et totam culpam in electorem Brandenburgicum² conferunt - quanquam multi sunt qui ipsum innocentem asserunt - voluntque ut huius facti rationem in comitiis reddat. Illa in 5^tam Octobris indicta sunt, sed propter grassantem pestem forte non habebuntur.

Res Suecorum feliciter tam duce Bannerio³ quam Lilie Hoeck⁴ succedunt. Berolinum ceperunt, Spandaviam obsident, Custrinum cinxerunt.

Cum Curtio⁵ abiit quidem spes pacis, sed rediit cum nuntio quodam, qui a Bannerio in Sueciam mittitur et nuper hac transiit. Constans quippe fama est caesarem⁶ conditiones non vulgares Bannerio ineundae pacis ergo obtulisse et reassumendos tractatus pacis desiderare.

Quos Deus omnipotens Dominus pacis benedicere et Excellentiam vestram in multos annos sanam salvam totius orbis bono conservare clementer dignetur.

Excellentiae vestrae obsequentissimus
Jasky mpp.

1 Arend, Abraham, Dirck en Isaac Spiring; zie dl. IX, p. 108 n. 2.

2 Georg Wilhelm, keurvorst van Brandenburg.

3 De Zweedse veldmaarschalk Johan Gustavsson Banér.

4 Johan Lilliehöök.

5 Ferdinand Siegmund Kurz, graaf van Senftenau.

6 Ferdinand III.

Dantisci, 15 Septembris A.^o 1639.

Boven aan de brief schreef Grotius: Rec. 19 Oct.