Briefwisseling van Hugo Grotius. Deel 10

[p. 570]

4279. 1639 september 3. Van M. Casaubonus¹.

Vir amplissime,

Nuper ad te satis prolixe per eum ipsum scripsi², qui caussa fuerat diuturni mei silentii, Georgium Thomason³, bibliopolam Londinensem, qui ante biennium libros illos, de quibus ad te et lectissimum Reigersbergium⁴ scripseram, curandos susceperat. Iam tandem illum esse Parisiis audio, unde et fidem iam tandem suam meamque liberasse certo spero. Cum literis nuperis accepit et librum tibi tradendum, qui accuratam de motibus Scoticis hodiernis - nam recrudescere incipiunt - narrationem regis mandato scriptam⁵, complectitur.

Etsi spero spem meam non falsam esse et omnia tibi recte tradita, religio tamen mihi fuit hunc virum doctum tibi, ut ait ipse, non ignotum, postquam per aliquot dies iucundissima eius consuetudine fructus essem, Parisios euntem sine meis ad te dimittere; saltem quae meam erga te observantiam, quam omnibus cupio esse compertissimam, testarentur.

Inter alia, quae ex sermonibus lectissimi viri didici, istud erat, viri clarissimi et doctissimi Notas in N.T.⁶ dudum promissas tandem prodiisse. Ego eas nondum vidi, sed quales sint, videor mihi ex iis, quae scripsit in sacrum paraphrastam⁷, posse subolfacere.

Dum de illis loquimur, venit in metem tuarum⁸, vir summe; quas tu quidem an unquam promiseris, nescio: illud certo scio a multis illas avidissime exspectari, a nemine vero avidius quam a me, qui non alioquin admodum φιλόζωος in parte felicitatis ponam, tamdiu - si te vivente proditurae sunt - mihi vitam prorogari, donec illarum lectione animum meum oblectavero.

Vale, vir magne, et constanter ama

tibi devotissimum
Mericum Casaubonum Is. f.

1 Hs. Leiden, UB., coll. Pap. 2. Eigenh. oorspr.

2 Deze brief ontbreekt.

3 George Thomason († 1666); zie over hem G.K. Fortescue, Catalogue of the pamphlets, books, newspapers, and manuscripts relating to the civil war, the commonwealth, and restoration, collected by George Thomason, 1640-1661, British Museum, London 1908.

4 Johan van Reigersberch; zie dl. VIII, p. 194 no. 3012.

5 Zie no. 4259, p. 531 n. 6.

6 Danielis Heinsii Sacrarvm Exercitationvm Ad Novvm Testamentvm Libri XX; zie no. 4272, p. 557 n. 8.

7 Nonnus Panopolitanus Paraphrasis Sancti secundum Ioannem Evangelij.

8 Hvgonis Grotii Annotationes in libros Evangeliorvm, Cum tribus tractatibus & Appendice eo spectantibus, Amsterdami, Apud Ioh. & Cornelivm Blaev. MDCXXXXI; Ter Meulen-Diermanse, no. 1135.

Cantuar. VIIII. Kal. Sept. 1639.

Adres: Viro dignitate amplissimo meritis summo Hugoni Grotio, Legato Swecico, Lut. Parisior.

In dorso schreef Grotius: 21 Sept., M. Casaubonus.