Briefwisseling van Hugo Grotius. Deel 10

4248. 1639 augustus 13. Aan J. Camerarius⁴.

Nobilissime et amplissime domine,

Si non pridem perspecta mihi fuisset Nobilitatis vestrae in me benevolentia, satis jam haberem, unde eam discerem sive ex carissimae uxoris⁵ relatu sive ex suavissimis Nobilitatis vestrae literis⁶, quas scriptas Calendis Augusti satis tempori, id est intra diem nonum accepi.

Ego si dicere coner, quanti faciam illustrissimum D. legatum Camerarium⁷ domumque ipsius tum ob insignes ipsorum virtutes turn ob majorum gloriam nunquam interituram, verba rebus paria non reperiam. Illud affirmare possum fide Germanica, qualis unquam optima fuit, nihil me optare meis, quod non et ipsi domino parenti Nobilitatis vestrae vobisque optem omnibus. Quanto vero res verbis sunt potiores, tanto id malim rebus, si qua se ferat occasio, quam vocibus aut literis testari.

Res hujus temporis cum ad illustrissimum D. legatum perscribam, hic non repeto gnarus patri filioque praesertim talibus omnia esse communia.

Vale, vir nobilissime et amplissime.

Nobilitatis vestrae observantissimus
H. Grotius.

4 Gedrukt Epist., p. 553. Joachim Camerarius was de zoon van Ludwig Camerarius, Zweeds gezant in Den Haag.

5 Maria van Reigersberch bevond zich in het vaderland.

6 Ontbreekt.

7 Ludwig Camerarius.

Lutetiae, 13 augusti 1639.