Briefwisseling van Hugo Grotius. Deel 10

4189. 1639 juli 2. Aan G. Müller⁴.

Nobilissime domine,

Commodam valetudinem resque prosperas Suediam regentium Nobilitatisque vestrae ex ejus literis Iunecopiae 14/24 Maii⁵ satis cum gaudio intellexi neque minus illud mitti Nobilitatem vestram in Germaniam, quod plane confido utile fore in publicum, speroque Nobilitate vestra hac transeunte, percepturum me iterum, qualem olim percepi ex ejus colloquiis et fructum et utilitatem.

Morbos et discordias, quibus tentata Suedia fuerat spero Deus in meliora jam verterit. Magno autem cum desiderio exspectamus hic nuntium de transvectis mari ad D. Bannerium⁶ supplementis. Nos duo⁷ hic molimur, sed promovemus parum, ut dux Vinariensis⁸ Rhenum transeat et ut placeat regi⁹ proposita Waertii¹⁰ cum mareschallo Hornio¹¹ permutatio.

Ingens a Gallis accepta clades ad Theodonisvillam solatii habuit aliquid ab obsidio Mousoni rejecto Piccolominaeo¹², fame tamen magis quam vi ulla.

Dux Longavillanus¹³ jam demum transgressus est Alpes retentus hactenus, donec vidua Sabaudica¹⁴ oppida Subalpina aliquammulta in Gallorum custodiam traderet.

Princeps Condaeus¹⁵ agrum Ruscinonensem Hispano possessum cum armis iniit.

Baro Oxenstiernius¹⁶ in castra ad Hesdinum profectus est, ut dedi Hesdinum

4 Gedrukt Epist., p. 542. Georg Müller was Zweedse hofraad en secretaris.

5 Ontbreekt.

6 De Zweedse veldmaarschalk Johan Gustavsson Banér.

7 Grotius en Friedrich Betz; vgl. no. 4171, p. 412 en no. 4190, p. 436.

8 Bernhard, hertog van Saksen-Weimar.

9 Lodewijk XIII.

10 Johan van Werth.

11 Gustav Karlsson Horn.

12 Ottavio Piccolomini, hertog van Amalfi.

13 Henri d'Orléans, hertog van Longueville.

14 Christine de France, hertogin van Savoye.

15 Henri de Bourbon, prins van Condé.

16 Gabriel Gabrielsson Oxenstierna.

[p. 435]

videat. Piccolominaeus in finem Luxemburgicum se retulit. Conatus ejus e propinquo speculatur cum exercitu Castilionaeus¹.

Nuntios pontificios tres² jam habet Gallia non indiligentes in commendando pacis negotio inter eorundem sacrorum participes.

Ut privati etiam annectam aliquid, biennium jam expletum est, ex quo de meo erogationes facio; a regno Suedico accipio nihil. Dominus Spiringius³ semissem debiti mihi salarii pollicetur, de altero semisse per D. Salvium⁴ mihi persolvendo spem facit. Video paria queri et D. Camerarium⁵ et D. Marinum⁶. Dura est sors pro splendido nomine tam graves usuras pendentium neque sufficit magnis negotiis sollicitus semper animus. Quare si placet Excellentissimis Suediae rectoribus⁷ mea opera, percupiam et in praesens his levari incommodis et ne in posterum eadem recurrant melius prospici. Qua in re Nobilitatem vestram, ut me juvet, rogo vicissim ad omnia officia paratissimus.

Deus Nobilitatem vestram cum domina conjuge⁸, liberis⁹ amicisque sospitet.

Nobilitati vestrae addictissimus
H. Grotius.

1 Gaspard de Coligny, hertog van Châtillon, maarschalk van Frankrijk.

2 Giorgio Bolognetti, Ranuccio Scotti en Federico Sforza.

3 Petter Spiring Silvercrona.

4 Johan Adler Salvius, Zweeds gezant residerend te Hamburg.

5 Ludwig Camerarius, Zweeds ambassadeur in Den Haag.

6 Charles Marin(i), Zweeds nieuwsagent betreffende Zwitserland en naburige landen.

7 Voor hun namen zie men no. 4172, p. 414 n. 1.

8 Sophia Sauler.

9 Niet geïdentificeerd.

Lutetiae, 2 Iulii 1639.

De permutatione D. Hornii cum Waertio spei aliquanto plus quam antehac nobis datur: nihil tamen affirmaverim.