Briefwisseling van Hugo Grotius. Deel 10

[p. 420]

4179. 1639 juni 25. Aan J. Camerarius¹.

Nobilissime domine,

Recte ad me pervenerunt Nobilitatis vestrae literae scriptae 13 Iunii², pro quibus insumptaque opera in me edocendo ea, quae illis in partibus gerantur audiunturque, gratias ago.

Quae hic intelligimus, ea ad illustrissimum Nobilitatis vestrae parentem³ scripsi neque hic repeto, cum scio inter patrem filiumque omnia esse communia.

Nos hic accepta ad Theodonisvillam clade perturbata videmus, quae capi coeperant consilia. Neque tamen desinimus bene etiam de hujus anni successibus sperare: exspectamus enim, ut nuntietur nobis Hesdinum cessisse Millereio⁴, Salza Condaeo principi⁵, duci Vinariensi⁶ Salinae. Praecipuum vero momentum in hoc est, ut non leve aliquid aggrediatur princeps Arausionensis⁷: ita enim de consiliis ejus judicant omnes, ut, si quam urbem obsidere coeperit, ea sit potiturus.

Melander⁸ cum Hassico milite bellum nundinatur. Alii nutant, alii nictant, alii pangunt suaviam⁹.

D. Bannerio¹⁰ omnia optanda sunt prosperrima, quae et sperare nos jubent res antehac ab eo gestae. Caeterum hic pro certo habetur conjunxisse jam Hatzfeldium¹¹ suas cum Galassio¹² copias. Quod si est, hoc circumspectius D. Bannerio res erunt administrandae.

Nobilitatis vestrae studiosissimus
H. Grotius.

1 Gedrukt Epist., p. 540. Over Joachim Camerarius zie men no. 4130, p. 357 n. 2.

2 Ontbreekt.

3 Ludwig Camerarius, Zweeds gezant in Den Haag.

4 Charles de La Porte, hertog van La Meilleraye, maarschalk van Frankrijk.

5 Henri de Bourbon, prins van Condé.

6 Bernhard, hertog van Saksen-Weimar.

7 Frederik Hendrik.

8 Peter Melander, graaf van Holzapfel.

9 Vgl. Plautus Asin. 784: neque illa ulli homini nutet, nictet, annuat.

10 De Zweedse veldmaarschalk Johan Gustavsson Banér.

11 Melchior von Hatzfeldt und Gleichen.

12 Matthias, graaf Gallas.

Lutetiae, 25 Iunii 1639.