Briefwisseling van Hugo Grotius. Deel 10

4130. 1639 mei 28. Aan J. Camerarius².

Vir nobilissime,

Gratae mihi fuere Nobilitatis vestrae literae datae 16 Maii³ et quae iis continentur libenter cognovi optoque sociis et amicis regni Suedici omnia felicia.

Quae hic habemus non ita multa, sunt comprehensa meis ad illustrissimum D. parentem Nobilitatis vestrae literis⁴. Eas literas apertas ad Nobilitatem vestram mitto idemque sum facturus in posterum.

Piccolominaeum⁵ mansurum in Belgicis partibus, sed partem ab eo copiarum

2 Gedrukt Epist., p. 534. Joachim Camerarius (1603-1687) sedert 1635 raad van de kroon van Zweden - zie dl. VI, p. 38 en n. 10 aldaar - was de zoon van de Zweedse gezant in Den Haag, Ludwig Camerarius.

3 Ontbreekt.

4 No. 4131.

5 Ottavio Piccolomini, hertog van Amalfi.

[p. 358]

ad caesarianos mitti hujus aulae opinio est. Quo modo se elector Saxoniae¹ eximere bello possit, equidem non video. Lunaeburgici et Brunsvicenses medii esse volent, dum nostrae res meliores sunt, si fortuna contra nos flare coeperit, ex mediis hostes fient; nam et fides et constantia e Germania emigrasse videntur.

Batavi rectius mihi facturi videntur, si in Daniam alios, alios in Poloniam mittant, tum ne regum postpositus fiat ipsis immitior, tum ut eodem tempore res utrobique geratur communicatis legatorum inter se per literas consiliis et actibus.

Nobilitati vestrae opto prosperrima.

Nobilitati vestrae ad omnia officia paratissimus
H. Grotius.

1 Johann Georg I, keurvorst van Saksen.

Lutetiae, 28 Maii 1639.