Briefwisseling van Hugo Grotius. Deel 10

4174. 1639 juni 18. Aan J.A. Salvius¹¹.

Illustrissime domine,

Mareschalli Bannerii¹² prospera et nobis et regi¹³ Gallisque obveniunt laetissima nec parum solatii adferunt adversus accepta hic damna. Pacis ne ego

11 Gedrukt Epist., p. 538. Antw. op no. 4126. Johan Adler Salvius was Zweeds gezant residerend te Hamburg.

12 De Zweedse veldmaarschalk Johan Gustavsson Banér.

13 Lodewijk XIII.

[p. 417]

quidem magnam spem video digrediente ad imperatorem¹ Curtio². Recte tamen fecit Excellentia vestra, quod non omnem ad colloquia viam praescidit: famae enim Suedorum interest, ut pacem magis etiam quam hostes aut ex aequo certe cupere credantur.

Nihil est in quo magis laboraverim laboremque continuo allocutionibus, literis, injecto et metu quam ut Rhenum dux Vinariensis³ transeat. Sed Galli verborum liberales pergunt suas res in Comitatu agere eruntque nunc in eo pertinaciores, quod metuant, ne Lotharingiam invadat victor Piccolominaeus⁴. Attamen neque in hoc negotio neque in illo de liberando mareschallo Hornio⁵ quicquam ad diligentiam faciemus reliquum.

Hatzfeldius⁶ Ratisbonam transisse scribitur et jam forte Galassio⁷ se junxerit, quo magis exigit tempus, ut mareschallus Hornius ad fortitudinem eam, quam non minus antehac ostendit, prudentiam adjungat.

Excellentiae vestrae observantissimus et ad officia omnia
eidem paratissimus
H. Grotius.

1 Ferdinand III.

2 Ferdinand Siegmund Kurz.

3 Bernhard, hertog van Saksen-Weimar.

4 Ottavio Piccolomini, hertog van Amalfi.

5 Gustav Karlsson Horn.

6 Melchior von Hatzfeldt und Gleichen.

7 Matthias, graaf Gallas.

Lutetiae, 18 Iunii 1639.